影片
更多
2021-03-05
86 瀏覽
創興廣場成幢都係火鍋, 雞煲同放題, 近期發現左18樓開左間雞煲, CP值高兼冇伏!! 平日夜晚飲食2個鐘, 人頭$200有找。餐廳環境走懷舊香港風, 牆身設計到好似舊時既鋪頭咁, 好得意。另外幾中意佢依度既座位設計, 全部都係卡位, 而且同隔離枱都隔得好開, 坐得舒適! 蔬菜, 甜品同埋飲品都係自助區自己拎, 特別欣賞佢既蔬菜櫃, 一份份好咁包好哂放係雪櫃入面, 款式多, 而且衛生又整潔。雞煲叫左小辣, 一放低超香, 紫洋蔥等配料唔少得, 雞肉滑滑的, 最重要係個雞煲醬夠香又夠濃, 再加上辣味非常惹味。食到咁上下就用手機QR CODE落單, 同時餐廳已經預備好一支支既上湯, 可以逐少逐少加入去調番自己口味, 幾中意依個做法! 小食叫左份咖哩可樂餅, 估佢唔到係新鮮即炸, 熱辣辣脆卜卜, 非常香口, 有驚喜!肉類今晚主攻既係雪花肥牛, 特級肥牛, 新鮮滑牛肉同埋滑雞柳, 肥牛大大塊唔會碎濕濕, 特級肥牛味道仲幾濃添! 滑牛肉同滑雞柳亦都鮮嫩。蔬菜類除左出面拎既幾款菜之外, 仲ORDER左鮮准山, 秋葵, 鮮冬菇, 萵筍, 特別中意鮮准山爽脆口感, 好新鮮!海鮮類必點呀! 海蝦同是日海
平日夜晚飲食2個鐘, 人頭$200有找。餐廳環境走懷舊香港風, 牆身設計到好似舊時既鋪頭咁, 好得意。另外幾中意佢依度既座位設計, 全部都係卡位, 而且同隔離枱都隔得好開, 坐得舒適! 蔬菜, 甜品同埋飲品都係自助區自己拎, 特別欣賞佢既蔬菜櫃, 一份份好咁包好哂放係雪櫃入面, 款式多, 而且衛生又整潔。
雞煲叫左小辣, 一放低超香, 紫洋蔥等配料唔少得, 雞肉滑滑的, 最重要係個雞煲醬夠香又夠濃, 再加上辣味非常惹味。
食到咁上下就用手機QR CODE落單, 同時餐廳已經預備好一支支既上湯, 可以逐少逐少加入去調番自己口味, 幾中意依個做法!
小食叫左份咖哩可樂餅, 估佢唔到係新鮮即炸, 熱辣辣脆卜卜, 非常香口, 有驚喜!
肉類
今晚主攻既係雪花肥牛, 特級肥牛, 新鮮滑牛肉同埋滑雞柳, 肥牛大大塊唔會碎濕濕, 特級肥牛味道仲幾濃添! 滑牛肉同滑雞柳亦都鮮嫩。
蔬菜類
除左出面拎既幾款菜之外, 仲ORDER左鮮准山, 秋葵, 鮮冬菇, 萵筍, 特別中意鮮准山爽脆口感, 好新鮮!
海鮮類
必點呀! 海蝦同是日海鮮(大蜆)都好新鮮, 蝦彈牙蜆肉大粒鮮甜, 絕對需要食多幾轉!
最尾食埋個煙煙UNUN既稻庭烏冬, 飽哂又滿足!!
最後要一讚既係, 今晚叫左幾ROUND野都冇出現漏單, 上菜快而且店員會主動收碟, 整體質素真係值回票價。
張貼
