影片
更多
2014-10-26
7899 瀏覽
朋友之前同家人試過一次呢度既大閘蟹自助餐，推介之下，昨日同朋友一共4人終於可以試下😄由於係酒店內的中餐廳，環境、裝修都好好，亦非常衛生。由於其中有一個朋友之前已經食過一次，所以我地一早有晒攻略去食今次自助餐。一開始，有每人一份既醉雞做頭盤。隻雞十分嫩滑，味道亦很好，沒有太淡或太咸，酒味亦很適中。跟著我地馬上order 左6隻蟹，分別2隻鹽焗，2隻清蒸同2隻菊花。過左唔夠10分鐘就上左2隻鹽焗先，唔夠幾分鐘其他個4隻都到喇。我一開始試個清蒸先，雖然size比較細（我估大概3両左右）都有爆膏效果，d膏又多，又靚。跟著再試埋菊花、薰依草，效果都唔錯，有陣陣清淡花香味，都唔錯，別有一番風味。跟著再試埋鹽焗，效果都唔錯，唔會令隻蟹太乾身，而且仲有小小咸味。我地7點鐘開始，就係咁我地4個人，啊每人食左差唔多10隻蟹呀😅。最後再食埋食風沙口味。雖然係自助餐，但都係即叫即煮，而且黎得都好快，唔洗15分鐘就有得食。食完今晚真係要乖乖地做多d運動，因為已經膽固醇爆標😝
張貼
