四季椰林海南椰子雞 (屯門市廣場2期)

營業中

休息中

我以前經常北上食呢間椰子雞湯鍋，現在不用過關不用排隊就可以食到，可以帶埋兩老一齊烚下烚下又幾好～～位置好方便，鄰近杯渡輕鐵站，屯門西鐵步行幾分鐘就到。因為是平日的中午，人流不多，座位乾淨闊躺，上菜速度快，服務比深圳更好一些！！呢間椰子雞湯火鍋湯底，標榜4個椰子1鍋湯, 不加1滴水，椰子水加雞湯好清甜，另外是海南文昌雞，鮮嫩多肉。海南文昌雞😋如果唔食其他火鍋配料建議叫一隻雞，同埋建議熄火食晒啲雞先開始烚其他配料，如果唔係啲雞老晒就唔好食。潮汕丸類雙拼😋牛丸同魚蛋，牛丸超級彈牙，唔知係咪錯覺，我覺得佢有爆汁，可encore!! 魚蛋就正常發揮，唔腥，有咬口。火山肥牛😋家姐食晒成碟，肥瘦適中，可解牛饞之嘴。鮮活水培菜🤣附帶一對手套，保證新鮮有機呀！午餐肉🤤午餐肉都係用靚野，食得出，唔太咸，有肉絲，仲張砌到愛心擺盤。炸響鈴😬響鈴係我打邊爐必點之物。非遺臘味煲仔飯 (必食）👍最驚喜係呢個煲仔假，即叫即製，大大煲，可以裝到5碗，食到最尾先上枱，好多臘腸同香菇，肥而不膩，仲有好多香脆飯焦，一試難忘。