影片
更多
2023-05-12
72 瀏覽
𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃之前食過元朗果間分店，印象唔錯！咁岩約左朋友係荃灣一聚，朋友仔話好想食火鍋，我二話不話推介左呢間火鍋店俾佢一齊去「滾」😍▫️玲瓏浮凸·花膠雞湯鍋（半隻) ($318)朋友唔食辣既，所以揀左呢個花膠雞湯底。店員首先將個一大片花膠係你面前剪開放落個鍋，然後叫我地飲咗個湯先，果然好濃好鮮味。之後再落埋啲雞去煮，啲雞出奇唔老唔鞋，個湯煮耐左，個湯頭仲濃稠左，忍唔住會不停飲。▫️龍蝦餃🦞🥟（四粒）($78)第一次見龍蝦有龍蝦餃即刻叫黎試下，個龍蝦係彈牙既，都幾特別！▫️頂級雪花牛肉($338)呢碟騰雲駕霧既牛肉，一上枱就要襯佢底下啲乾冰未溶曬之前打卡，如果唔係就會浪費左擺盤同乾既心機架喇，牛肉都唔錯肉同脂肪比例平均，唔會食到瘦蜢蜢乾柴柴既肉，打邊爐必叫。▫️伊比利亞橡果豬($168)豬肉比牛肉口感更嫩滑，而且肉味比牛肉更突出，個人認為比牛肉優勝少少🤏▫️竹笙($88)竹笙係要黎配個湯既，咁好既湯底緊係要搵啲索湯既竹笙黎配架啦！▫️大滾友雜菜拼盤($98)份量超多既蔬菜拼盤，有萵筍，生菜，油麥菜，金菇，黑木耳，蕃茄同粟米，樣樣都新鮮乾淨，唔洗淨食肉
𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃
之前食過元朗果間分店，印象唔錯！咁岩約左朋友係荃灣一聚，朋友仔話好想食火鍋，我二話不話推介左呢間火鍋店俾佢一齊去「滾」😍
▫️玲瓏浮凸·花膠雞湯鍋（半隻) ($318)
朋友唔食辣既，所以揀左呢個花膠雞湯底。店員首先將個一大片花膠係你面前剪開放落個鍋，然後叫我地飲咗個湯先，果然好濃好鮮味。之後再落埋啲雞去煮，啲雞出奇唔老唔鞋，個湯煮耐左，個湯頭仲濃稠左，忍唔住會不停飲。
▫️龍蝦餃🦞🥟（四粒）($78)
第一次見龍蝦有龍蝦餃即刻叫黎試下，個龍蝦係彈牙既，都幾特別！
▫️頂級雪花牛肉($338)
呢碟騰雲駕霧既牛肉，一上枱就要襯佢底下啲乾冰未溶曬之前打卡，如果唔係就會浪費左擺盤同乾既心機架喇，牛肉都唔錯肉同脂肪比例平均，唔會食到瘦蜢蜢乾柴柴既肉，打邊爐必叫。
▫️伊比利亞橡果豬($168)
豬肉比牛肉口感更嫩滑，而且肉味比牛肉更突出，個人認為比牛肉優勝少少🤏
▫️竹笙($88)
竹笙係要黎配個湯既，咁好既湯底緊係要搵啲索湯既竹笙黎配架啦！
▫️大滾友雜菜拼盤($98)
份量超多既蔬菜拼盤，有萵筍，生菜，油麥菜，金菇，黑木耳，蕃茄同粟米，樣樣都新鮮乾淨，唔洗淨食肉咁寡。
▫️自家製足料竹蔗茅根($78)
清甜解渇，大大壺夠兩個人飲😆
📍大滾友
荃灣青山公路荃灣段125-133號紅棉大廈地下A&B號舖
張貼
