韓雅林

營業中

休息中

轉了老細，食物質素還好，不過服務態度差到不得之了明顯人手不足，訂了枱，裏面亦大把位，但就無人係門口接代，見到有客係外面等左好耐都可以扮睇唔到，應一句「等等」或者舉下手理你都無，見門口開始多人，先走出黎帶你入去坐。揾人帶位要等、揾人落單要等、要加水又等、枱枱都舉手叫，佢又索性扮睇你唔到。終於等到啦，野食黎到，叫4樣就黎錯2樣。上次去，佢話轉老細所以收了舊的VIP 咭，留了電話話印好新咭會再打電話通知，但一路都無收到電話，今次去到順便問下，唔問都算，問左真係火都黎，個部長問都唔問就話冇，再同佢講上次留了電話，叫佢check 下，都未俾電話佢check ,又即刻答無。一開始就話今次照計9折，下次要出示返。都話俾你收左囉！點樣下次出示呀？！ 叫佢再check 多次上次留左的電話，佢都非常不情願，唔知佢有冇check 到啦～不過都算啦，因為唔打算會有下次。點知轉個頭又話，今次冇9折，下次黎送多2張俾你（睇黎好唔滿意我地要佢check )。都係個句，唔會有下次。咁嘅服務態度，你送10張，我都唔黎拎la。