影片
更多
2024-07-23
2190 瀏覽
上年12月嚟過，當時食下午茶，對餐廳印象麻麻，記憶點係（1）冷氣弱；（2）咖啡細杯。有得揀就唔會再嚟，但不如人意，朋友傳出呢間餐廳的連結，話想食。事隔大半年，試多次~~假日late lunch時段到達，餐廳的午市套餐除包含午膳時段外，仲去到2030。特別的係，入座時，侍應仲提供埋晚市2人餐的餐牌。可能餐廳所有套餐都貫穿午、晚市！？午餐價格大致可接受，但要加一。餐飲的咖啡除美式、鮮奶咖啡外，其他要補錢。計埋加一，人均消費$90-100。而朋友點全日早餐，$148，加一後就>$160。餐湯/沙律：朋友點餐湯，只飲咗1-2啖；個湯杰身，似芡。全日早餐：英文叫Coti breakfast，用番餐廳個名，少費，係咪物有所值？我覺得如果散叫~$70都可以，但$148就絕對over-priced！雖然食材唔少，但煙三文魚顏色慘白；麵包/多士朋友好難先切得開；蛋得1隻，係太陽蛋，煎穿咗。最後，朋友食淨1/3碟，煙肉同茄汁豆冇掂過。日式胡麻波蛋香草豬肉腸藜麥沙律：個名好長，材料簡單。由於餐廳冇乜素食選擇，所以我點餐後就外帶香腸俾狗狗爸爸（相片冇影到啲腸）。沙律菜幾新鮮，水波蛋係中、大型蛋，熟咗啲
假日late lunch時段到達，餐廳的午市套餐除包含午膳時段外，仲去到2030。特別的係，入座時，侍應仲提供埋晚市2人餐的餐牌。可能餐廳所有套餐都貫穿午、晚市！？
午餐價格大致可接受，但要加一。餐飲的咖啡除美式、鮮奶咖啡外，其他要補錢。計埋加一，人均消費$90-100。而朋友點全日早餐，$148，加一後就>$160。
餐湯/沙律：朋友點餐湯，只飲咗1-2啖；個湯杰身，似芡。
（假日午餐）沙律
14 瀏覽
3 讚好
0 留言
全日早餐：英文叫Coti breakfast，用番餐廳個名，少費，係咪物有所值？我覺得如果散叫~$70都可以，但$148就絕對over-priced！雖然食材唔少，但煙三文魚顏色慘白；麵包/多士朋友好難先切得開；蛋得1隻，係太陽蛋，煎穿咗。最後，朋友食淨1/3碟，煙肉同茄汁豆冇掂過。
（假日午餐）全日早餐
$148
12 瀏覽
0 讚好
0 留言
日式胡麻波蛋香草豬肉腸藜麥沙律：個名好長，材料簡單。由於餐廳冇乜素食選擇，所以我點餐後就外帶香腸俾狗狗爸爸（相片冇影到啲腸）。沙律菜幾新鮮，水波蛋係中、大型蛋，熟咗啲，少蛋液。沙律有藜麥，健康加分。
（假日午餐）日式胡麻水波蛋香草豬肉腸藜麥沙律
26 瀏覽
0 讚好
0 留言
鮮奶咖啡：雖然仲記得咖啡細杯，但送上時仍有少少驚訝，可能只得150ml。杯碟幾靚，但拉花唔靚。咖啡非常熱燙，係滾水的溫度；咖啡味唔突出，冇乜特色。跟餐的話，點咖啡好過點果茶，朋友點咗凍蜜桃茶，零presentation。
（假日午餐）鮮奶咖啡
57 瀏覽
0 讚好
0 留言
下次再有朋友想嚟食嘢，我要認真勸止。始終呢個價錢，食物質素可以好啲。上次餐廳冷氣細，今次亦一樣，就快大暑，怕熱人士會食到冒汗。
張貼
