Coti the Bistro (五芳街)

營業中

休息中

上年12月嚟過，當時食下午茶，對餐廳印象麻麻，記憶點係（1）冷氣弱；（2）咖啡細杯。有得揀就唔會再嚟，但不如人意，朋友傳出呢間餐廳的連結，話想食。事隔大半年，試多次~~假日late lunch時段到達，餐廳的午市套餐除包含午膳時段外，仲去到2030。特別的係，入座時，侍應仲提供埋晚市2人餐的餐牌。可能餐廳所有套餐都貫穿午、晚市！？午餐價格大致可接受，但要加一。餐飲的咖啡除美式、鮮奶咖啡外，其他要補錢。計埋加一，人均消費$90-100。而朋友點全日早餐，$148，加一後就>$160。餐湯/沙律：朋友點餐湯，只飲咗1-2啖；個湯杰身，似芡。全日早餐：英文叫Coti breakfast，用番餐廳個名，少費，係咪物有所值？我覺得如果散叫~$70都可以，但$148就絕對over-priced！雖然食材唔少，但煙三文魚顏色慘白；麵包/多士朋友好難先切得開；蛋得1隻，係太陽蛋，煎穿咗。最後，朋友食淨1/3碟，煙肉同茄汁豆冇掂過。日式胡麻波蛋香草豬肉腸藜麥沙律：個名好長，材料簡單。由於餐廳冇乜素食選擇，所以我點餐後就外帶香腸俾狗狗爸爸（相片冇影到啲腸）。沙律菜幾新鮮，水波蛋係中、大型蛋，熟咗啲

餐廳位於新蒲崗工業大廈地面，神秘的入口塗上藍色油漆。內部地方挺大，能放置很多餐桌，能夠容納多人聚餐，感覺是很香港的西式咖啡店feel。Main烤美國西冷10安士配燒汁 $198沒有多筋，肉質易入口咀嚼。配有沙律菜和薯條，兩人吃份量適合。Pasta & Rice明太子三文魚籽貓耳朵粉 $108有兩粒香煎帶子，咸咸的三文魚籽配煙韌貓耳朵粉剛好。Snack & Salad酥炸單骨雞翼 $78有5隻，炸得酥脆酥脆，單骨果然係食得方便啲。鮮忌廉朱古力 $42凍飲和熱飲都是有一大陀鮮忌廉，奶味很濃郁。

前幾日去新蒲崗啲工廠大廈拎野，就順手喺附近食埋飯，見到呢間望落靚靚仔仔就試下佢。烤美國豬鞍配芥末汁($168)豬鞍肉質幾嫩，唔會好un，烤都保留到裏面嘅肉汁，而且就算唔加醬汁都唔錯，薯條都炸得酥脆。鰻魚蛋包飯($125)我鍾意佢個蛋好滑，鰻魚一望就覺得佢靚仔，而且飯係日式粒粒分明嗰種。 一啖食晒三樣野，口感同味道都好有層次。酥炸單骨雞翼($78)單骨雞翼真係好貼心！唔需要食到要lur骨好麻煩。menu話酥炸係無錯的，外皮的確係炸到卜卜脆，但入面依然有好多肉汁。提拉米蘇咖啡($48)我本身麻麻地咖啡，因為唔鍾意苦，呢杯上層係tiramisu，下面係咖啡，單飲咖啡就真係唔係好杯茶，但上面tiramisu就無得頂，兩者撈埋令到質地更加順滑，亦都中和左咖啡嘅苦澀。棉花糖朱古力($42)呢杯一睇就係甜！都的確佢達到我對佢嘅期望，朱古力裏面帶有淡淡嘅棉花糖味道。= Coti the Bistro // 新蒲崗五芳街31-33號永顯工廠大廈地下C號舖 // 35759983 =

今日晚餐時段打完波，行經新蒲崗看見一個小小且不顯眼的門口， 竟然是一間西式餐廳，和朋友走入去坐低， 叫左一個小食和兩個餐。小食：酥炸單骨雞翼，熱辣辣新鮮炸起非要酥脆，單骨十分方便進食$78主食：烤美國西冷10安士配薯條$198，薯條厚切，好香脆，牛扒叫左7成熟，下次可試吓5成熟，相信更好味。主食：辣蕃茄蟹肉意粉$108， 蕃茄仔多，茄醬煮得夠濃，十分開胃， 撈埋蟹肉同辣椒粉，讓人食到不能停手。兩杯抺茶latte：一凍一熱,本人還是較喜歡熱飲。

好耐冇約朋友出街，趁近排開始得閒，所以即刻同朋友一齊見見面。朋友喺鑽石山返工，揀咗佢成日去既餐廳食。我地點咗烤美國西冷10安士配燒汁、鰻魚蛋包飯、酥炸單骨雞翼，另外飲抹茶鮮奶同鮮忌廉朱古力。自己最鍾意食雞翼，炸野即炸即食最好味，雞翼上枱既時候熱辣辣，影完相都仲好香。雖然係單骨雞翼，但外脆內juicy，再加埋胡椒落去，食落更惹味。鰻魚蛋包飯份量豐富，鰻魚大大條而且肉質柔軟，風味十足，好啱送飯。美國西冷肉味香濃，肉質同脂肪比例均勻，配上香脆金黃既薯條，兩個人share啱啱好。抹茶鮮奶唔會太苦，而忌廉朱古力飲落順滑，兩者都唔錯。

新蒲崗工廈西餐Coti the Bistro 🍴餐廳係工廈的地下，唔想食茶餐廳，呢到都係一個好選擇！主食要左豬鞍，都幾大塊，肉質都幾嫩唔會好乾柴，面頭搭配特製的芥末汁，幾惹味！旁邊仲有沙律、粗薯條🍟 明太子三文魚籽貓耳朵粉質感Q彈，明太子醬都幾creamy，帶有明太子本身的微辣😋仲有香煎帶子，十分嫩滑。小食要左好香口的洋蔥圈🧅呢到飲品都有好多選擇，咖啡都好多款☕️我就要咗有氣檸檬咖啡，咖啡同清新嘅檸檬好match！朋友就要咗棉花糖泡泡咖啡，味道香甜，想試新口味嘅朋友可以試下😎🔸烤美國豬鞍芥末汁配薯條🔸明太子三文魚籽貓耳朵粉🔸洋蔥圈配他他汁🔸有汽檸檬咖啡🔸棉花糖泡泡咖啡📍#CotitheBistro (#新蒲崗美食)#新蒲崗 五芳街31-33號永顯工廠大廈地下C號舖

服務態度極之差，要求幾次攞清水服務員用點頭方法叫你去自己斟，差差差，已經第二次幫襯，感覺非常差，既然食物/環境都還可以，就以此條件能在今市道低迷下，仍能有生存空間是值得表揚，奈何敗在服務素質，甚為老闆不值，希望此評論可喚起正視迴響

燈光柔和，空間都算寬敞，不過由晚市入座到結帳都只得三數檯客，開頭不明所以，之後就明白。氣氛冷清讓人感到凋零之前午市及下午茶時段光顧都有播放音樂，但今晚周六晚市卻沒有，好似就解釋緊餐廳其實唔想做晚市咁。餐點- 南瓜湯色水夠，但都係無南瓜味，其中一碗南瓜湯竟然係飲到底有薑絲，不明所以- 鰻魚蛋包飯、單骨雞翼表現正常，價錢略高- 煙三文魚藜麥沙律份量充及味道正常，附加溫泉蛋，$86算值得食- 明太子三文魚籽貓耳朵味道平衡，不過附送帶子未煎香，咬到中間仲有微涷，似未充分解涷- 西冷牛扒未算處理好熟度，中間同其他位置熟度差兩成- 豬鞍肉質軟淑，如果可以再選用再好啲嘅貨，賣貴一至兩成都可以誤導宣傳，服務不佳明明於OpenRice 程式訂座寫住正價5折主餐牌dinner set $480，但如帳後再追問了解才告之係$480這個set才是5折既然如此我們亦都叫緊set入面的東西，為何職員不作改動。其實一點都唔合理，我認為店員及OpenRice 需要更改字詞，不要再講啲唔清楚的字句去吸引眼球。餐廳有條件做好晚市，只係睇落無心戀戰，如果咁不如開早午市就算啦⋯⋯

𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ ·▎每次中午坐巴士去新蒲崗「 大有街 」「 五芳街 」都留意到間藍色餐廳排滿人但餐廳外觀唔太起眼 上網搵一搵原來喺一間走日式文青風格嘅 ᴄᴏᴛɪ ᴛʜᴇ ʙɪꜱᴛʀᴏ 𖠿中午嚟到 餐廳地方闊落 大概有兩位員工 ꜱᴇʀ見 ᴏᴘᴇɴʀɪᴄᴇ 好多人劣評服務 我地就無太大要求ʟᴜɴᴄʜ 叫咗兩個 ᴍᴀɪɴ「 西冷牛扒、蟹肉意粉 」西冷牛扒 ᴍᴇᴅɪᴜᴍ-ʀᴀʀᴇ 肉質鮮嫩不乾柴 牛味濃 蟹肉意粉好足料 辣蕃茄汁就帶點香辣伴隨鮮香對唔太食開辣嘅我地嚟講 就有點兒太重辣味了 而意粉口感幾唔錯 掛汁有咬口 配蕃茄再開胃啲小食 - 炸魚手指薯條 幾有驚喜 原先以為會係普通但送到上枱 炸魚居然肉質一啲都唔乾身 仲有肉汁 野食我地就主打 ɪɢᴀʙʟᴇ 解辣嘅飲品 首推 ᴛɪʀᴀᴍɪꜱᴜ 喺新蒲崗工廠區地理位置嚟講 性價比高日式西餐！🜸▸ 烤美國西冷10oz配燒汁  ┅ HKD 198▸ 辣蕃茄蟹肉意粉 ┅ HKD 108 ▸ 提拉米蘇咖啡 (C) ┅ HKD 48▸ 天然蜂巢咖啡 (C) ┅ HKD 48  ▸ 炸魚手指薯條 ┅ HKD 68𖡘𖤣 (˙

新蒲崗好多隱世美食，今次依間工廈西餐幾有驚喜！叫左明太子三文魚子貓耳朵粉 ($108)，好少見既貓耳朵粉，明太子加三文魚子鹹香味濃郁！呢個粉掛汁幾好，啖啖濃厚嘅明太子香仲叫左烤美國西冷10安士配燒汁薯條 ($198)，西冷肉味濃加上5成熟食落好嫩滑同用鬆肉粉整過既完全唔同！加上燒汁同薯條，份量好夠另外仲叫左炸魚手指薯條($68)，炸魚上枱個陣已經熱辣辣，唔會好油膩！外層脆口又薄，食落唔乾身飲品叫左玫瑰鮮奶咖啡 ($42)，咖啡有拉花，配上淡淡既玫瑰香氣，甜甜地好易入口另一杯叫左有氣檸檬咖啡 ($42)，口感清新，酸酸地夠哂開胃難怪假日嘅下午都唔少人幫襯！

位於啟鑽苑對面既「Coti the Bistro✨」絕對係新蒲崗區既最佳餐廳選擇之一，西式餐品質素高，加上不同種類既小食及飲品，價錢實惠，性價比高。「雞扒藜麥沙律🥗」非常清新，雞扒嫩滑，配上健康嘅藜麥，仲有各種鮮蔬，味道清新又唔膩。而「鰻魚蛋包飯」有驚喜，蛋包軟滑，裡面包住香濃嘅米飯，鰻魚更係鮮香可口，吃落去非常滿足。「烤美國西冷牛扒」medium well 烤得恰到好處，肉質鮮嫩，加上特製燒汁，配埋薯條，真係無法抗拒！飲品方面，「Tiramisu咖啡」係一個必試之選！層次分明，咖啡味同甜品完美結合，令人回味無窮。另外「綿花糖朱古力」口感柔軟，甜而不膩，係完美嘅結尾。總括來講，「Coti the Bistro」係一個非常值得一試嘅地方，無論係食物質素、環境定係服務都令人滿意。

今日嚟食呢間位於新蒲崗工廈地下的西餐廳，餐廳座位闊落，而且嘢食份量性價比高。🐷烤美國豬鞍配芥末汁 $168 一上枱見到塊豬扒真係好大塊，雖然係薄切，不過都夠晒飽，配菜有薯條同沙律菜。豬扒入口鮮嫩。🍳鰻魚蛋包飯$125 個賣相真係好吸睛🤩，一層厚厚嘅滑蛋包住啲飯，面頭仲有鰻魚勁大條😋。鰻魚入口香甜冇骨。雞扒藜麥沙律🥗$88 塊雞扒煎到脆卜卜，肉質煙靭，而沙律份量都好多，配埋啲醋同少量嘅醬汁，食落好開胃。抹茶鮮奶🍵$42

上星期去新蒲崗playhouse玩前係附近搵野食～哩間餐廳門口比較難搵要行番出大街個邊入到去環境好大 好適合一班人聚餐🥩烤美國西冷10安士配燒汁牛扒煎得啱啱好 肉質鮮嫩燒汁好香濃 薯條唔會炸到好乾🍄芝士蘑菇意大利飯 🍛好creamy 芝士同蘑菇都好香每啖都有芝士同蘑菇 口感好豐富🐔酥炸單骨雞翼雞翼外脆內嫩半邊雞翼好方便小朋友食🥛暖泡沫鮮奶🍋有汽檸檬咖啡☕梳打檸檬同咖啡分開上 可以自己調整咖啡濃度味道幾特別 兩樣加埋都幾夾📍Coti the Bistro (新蒲崗)新蒲崗五芳街31-33號永顯工廠大廈地下C號舖#COTI #COTITHEBISTRO #西式 #咖啡店 #九龍灣 #新蒲崗

中午去搵新蒲崗舊同事食午餐，Coti the Bistro環境舒適，食物方面都唔錯，鄰近地鐵站，交通方便，附近亦都係工廠區和住宅區，好受食客歡迎。烤美國西冷10安士配燒汁、薯條：油脂適中而且分布均勻，揀咗5成熟，軟嫩中帶有嚼勁，帶有油脂香氣，配燒汁好惹味，即炸薯條亦脆口。辣蕃茄蟹肉意粉是一個很開胃的意粉，蟹肉份量和意粉的味道都剛好，微辣帶酸嘅醬汁做得出色，清新又醒胃。炸魚手指薯條係即叫即炸嘅小食，香脆可口，送酒一流！凍鮮忌廉朱古力：在朱古力配上鮮忌廉後，顏色咖白分明，口感更順滑。凍棉花糖朱古力：朱古力味不太濃，加上棉花糖也不會太甜。

今日同老公去新蒲崗整車，喺等緊架車嘅時候就喺新蒲崗搵嘢食！上OpenRice見到呢間Cafe，評價唔錯，見近近地，就試吓啦！烤美國西冷10安士配燒汁佢嘅西冷品質好！肉味好重，肉質好，一啲都唔會韌！絕對唔係出邊揦過嘅牛扒！配埋佢個燒汁，簡直絕配😋 辣蕃茄蟹肉意粉個意粉好足料，個辣味唔會太辣，不過就好香，個汁同個意粉好夾，加上個意粉口感唔錯，值得一試👍🏻炸魚手指薯條薯條香脆！啲炸魚一啲都唔乾身，入邊又唔會係一pat pat，好味！棉花糖泡泡咖啡面頭嘅棉花糖有略略燒過, 飲完一啖咖啡冷榨鮮橙汁好fresh! 夠天然！帶小朋友嚟，嗌佢冷榨果汁啱晒！呢間Cafe坐得幾舒服！服務都好好！食物好味得嚟，又幾抵食，嚟新蒲崗想食西餐嘅話，係一個唔錯嘅選擇！