炙・宴 (荷里活廣場)

營業中

休息中

成日行街見到餐廳門口果三隻小豬實在搶眼又得意，最終俾佢引到我同男友入去試一次。呢間晌鑽石山都幾多人食，我地都等左幾張枱，大概十幾分鐘就入到去。🍽宮崎和牛丼 $159除左呢個和牛食得出唔韌之外，味道都一般啦⋯有5片再配上鴻喜菇，汁都唔多，食落好似太寡。加左$15轉餐，多一碗即沖嘅麵豉湯同一份沙律菜，唔貴但我個人覺得唔加都罷。🍽ABURI-EN豚肉丼$88呢個應該係招牌，豚肉都大塊但肉質好瘦，燒完有啲乾，同埋唔係好夠熱，應該又一早整定晒。我哋加左溫泉蛋一隻$12，有啲貴。總結：埋單$300左右，食物嘅味道唔值呢個價錢，性價比偏低，只可以話服務同衛生都屬正常水平，但冇想再試其他野嘅念頭。