茹絲葵牛排餐廳

趁還有幾日優惠，就搵多間餐廳試。見四百多元可以試到呢到D牛扒，就訂位試吓。前菜揀咗生牛肉拼沙律，味道幾好。主菜揀咗四安士牛，我平時會叫七成熟，不過服務員建議五成會好D，所以破例叫五成。嚟到試第一口，真係比平時肉質滑D，食到牛肉味，唔騷。side dish可揀薯蓉或波菜，我哋揀菠菜，味道正常。另加錢要了一份兩件嘅蟹餅，煎得幾香同啖啖肉。芝士餅唔太甜同偏向軟身。另一個甜品就係朱古力雪糕，入面有朱古力碎，食落好味D。