樂天皇朝 (利舞臺廣場)

營業中

休息中

鍾意食小籠包嘅朋友，對樂天皇朝一定唔會陌生，最近見銅鑼灣利舞臺新開咗間分店，裝修佈置都好舒服，入去食下小籠包。招牌原味小籠包（$78）- 一客共有六粒，賣相已經非常吸睛。皮造得好薄，餡料十足，入邊注滿湯汁。鍾意食小籠包嘅朋友一定要食，佢嘅水準相當之高。李白醉雞（$92）- 雞肉嫩滑，帶微微酒香，份量都算多。鍾意食雞髀嘅朋友可以考慮加$10 ，upgrade做雞脾。雪菜蝦仁炒飯（$98）- 炒飯炒得非常香口，入邊仲有好多蝦仁，分量十足。雪菜帶少少鹹香，提升左炒飯嘅味道。值得一題，落單時仲可以揀少鹽少油，感覺健康啲。自家製檸檬薏米水（$20）- 薏米份量相當之多，煮得好淋，加埋檸檬汁，味道好清新解渴。