影片
更多
2025-03-01
31 瀏覽
朋友為我慶祝生日，特意選擇呢間頗具名氣的日式居酒屋，不過我只可以話呢間居酒屋嘅入座人數已經不復當年，星期日夜晚入座率都大約只有六成。由於係居酒屋格局，所以坐起上嚟會有少少逼迫，但係環境衛生同埋服務態度都係合乎預期。居酒屋提供嘅食物種類非常之多，包括壽司、刺身、壽司丼飯、天婦羅、串燒、燒物、火鍋等等，令人眼花撩亂，最後我哋三個人叫咗四樣食物，包括壽司盛一客、牛肉壽喜燒、海膽蟹肉甲羅燒、同埋魚生丼飯(有海膽吞拿魚蟹柳)。呢四樣食物嘅水準保持得唔錯，味道同食才新鮮度都幾好。我個人最推薦嘅係甲羅燒，因為唔係好多地方可以食到呢個菜，雖然每個甲羅燒只會配上一塊威化餅，不過其實係可以叫店員添加餅。至於啲食物嘅賣相就請參考我嘅相片。三個人最後食咗大約$1100，合乎預期。但係我覺得店家有必要做一啲推廣工作，否則難以在如今的經濟狀況下生存。
由於係居酒屋格局，所以坐起上嚟會有少少逼迫，但係環境衛生同埋服務態度都係合乎預期。
居酒屋提供嘅食物種類非常之多，包括壽司、刺身、壽司丼飯、天婦羅、串燒、燒物、火鍋等等，令人眼花撩亂，最後我哋三個人叫咗四樣食物，包括壽司盛一客、牛肉壽喜燒、海膽蟹肉甲羅燒、同埋魚生丼飯(有海膽吞拿魚蟹柳)。
呢四樣食物嘅水準保持得唔錯，味道同食才新鮮度都幾好。我個人最推薦嘅係甲羅燒，因為唔係好多地方可以食到呢個菜，雖然每個甲羅燒只會配上一塊威化餅，不過其實係可以叫店員添加餅。至於啲食物嘅賣相就請參考我嘅相片。
三個人最後食咗大約$1100，合乎預期。但係我覺得店家有必要做一啲推廣工作，否則難以在如今的經濟狀況下生存。
張貼
