雞駅花膠雞米線專門店

營業中

休息中

「雞駅」三間分店中，食過前兩間都表現出色，呢間店水準依然保持。招牌花膠雞湯米線湯底濃郁鮮甜，以老火雞熬製，飲完完全唔會口乾，真材實料無味精，絕對可以連湯清碗（當然大前題係你食得落啦！😜🤭）運動後最適合來一碗滋補雞湯，米線可轉霸王花米粉，口感更爽滑，掛湯力一流。 最驚喜係加$10即可轉雞髀，雞肉嫩滑入味，皮薄肉厚，花膠亦厚身彈牙，膠質豐富，性價比極高。特別推薦姬松茸竹笙雞湯，菌香濃郁，竹笙吸飽湯汁，配上米線或米粉都令人十分滿足。凍檸檬梳打酸甜清爽，檸香十足，運動後解渴一流，同濃郁雞湯形成完美配搭。 雖然位於工廈，但夜晚依然滿座，可見人氣幾高，建議避開繁忙時段。整體份量足料，湯底、肉質、配料都保持高水準，難怪成為觀塘打工仔嘅隱世飯堂！下次想飲真材實料雞湯，記得唔好錯過！。