牛大人台灣火鍋吃到飽 (大鴻輝(荃灣)中心)

營業中

休息中

牛大人依個名相信大家都唔會陌生，最近心血來潮，所以就同friend去咗荃灣分店食牛大人。喺三個套餐當中，今次揀咗「澳洲極上和牛套餐」，因為我哋都覺得依個套餐係性價比最高嘅。而湯底方面，最後揀咗鴛鴦鍋，「牛大人秘方麻辣鍋」同埋「台中蒜頭雞鍋」。麻辣鍋雖然只係揀咗最少辣，但係佢嘅辣度對於我嚟講都幾辣，所以唔食得辣嘅朋友仔就記住揀其他湯底啦。至於蒜頭雞鍋，自己都幾鍾意，湯頭唔算太鹹，但又唔會太淡，唔使點醬，食物都好夠味。嘢飲同埋嘢食選擇都係超多，嘢飲當然要揀佢哋嘅冷泡茶，佢哋嘅冷泡茶唔係hea整，至於嘢食，牛就一定要食啦，所以唔使講，自己就最鍾意佢哋嘅沙白同蝦，因為沙白非常之鮮甜，蝦仲好有肉地，唔會覺得唔新鮮。