大丸和風食堂 (已結業)

老實講我覺得呢度啲嘢幾好食，同埋CP值十分之高，平均60幾蚊嘅午餐套餐可以跟小菜同埋煮食仲有嘢飲而且份量都唔算少，所以我Lunch都同同事翻撻左好多次 ，但係有一個問題係一直都有嘅，就係短髮嗰位姨姨侍應態度一直都好差，容易對客人黑口黑面，今日中午去呢度食嘅時候同左呢位侍應姐姐講分單就唔知踩到佢邊條尾，feel到佢係對我呢番說話係有不滿嘅，俾佢黑面加有說話俾我聽而且係俾我聽到嘅，服務態度呢一方面一直都冇改善，如果服務可以比零粒星我真係一粒星都唔想比，完全係貼錢買難受。