大丸和風食堂 (已結業)

旺角條街好多野食，令到我同朋友好難決擇🤣行過見到餐廳餐牌幾吸引，就入咗去，發現都幾抵食，值得推介👍🏻特盛海鮮丼🐟🍚海鮮丼刺身款式豐富，有三文魚、牡丹蝦、三文魚子、帶子同玉子，樣樣都好新鮮！特別帶子大大粒，食落鮮甜😋牛肉壽喜鍋🐮🥘壽喜鍋份量好大，食材豐富，有牛肉、金菇、生蛋同娃娃菜，性價比好高👍🏼而且牛肉份量又多，湯底甜甜地，食材入哂味，推薦大家叫😍天婦羅配蕎麥冷麵🍤天婦羅有虎蝦、南瓜、蕃薯同茄子等等。廚師將天婦羅炸得香脆，食落鮮甜😋😋另外手打烏冬好爽口，好適合配搭天婦羅一齊食👍🏼👍🏼京都宇治抹茶鮮奶🍵抹茶味道濃郁，配埋鮮奶好好飲🤩

印象中以前女人街好多日式餐廳，但而家好似都少咗好多，心血來潮想食日本嘢但又唔想食壽司，見到menu有勁多選擇同價錢都幾親民就決定去試入面座位都好舒適同好寬，牆上貼滿好多特色嘅poster，好懷舊風好特別 月見免治雞肉棒串 $28 好靚同好用心嘅擺盤!!免治雞肉加埋雞軟骨，每一啖都好有咬口，加埋生雞蛋同埋醬油嘅汁好夾 網燒美國牛肉 $78 質感嫩滑，每一啖都食到肉質嘅柔軟完全唔洗加沙律醬，本身嘅醬料已經好好食份量都好多，食肉獸超滿足 鹽燒油甘魚餃 $78 比想像中大份好多!外皮煎到好香好脆，肉質好滑 蟹肉忌廉可樂餅 $38 熱焫焫送上，每一塊可樂餅都有蟹鉗忌廉薯蓉好滑，但蟹味唔算好特出 火炙黑豚肉拉麵 $68跟餐可以+12蚊有特飲，飲品種類都有好多，有唔同生果味嘅梳打，仲有字治抹茶鮮奶今次就嗌咗青蘋果梳打好夠氣同好凍，偏甜 拉麵有好多配料，木耳絲、栗米粒之餘，仲有叉燒同埋原隻糖心蛋因為太多野食結果唔小心將蛋浸咗係湯度好耐先撈佢上嚟，結果都依然係流心，好正叉燒好香，大大片有三塊，好滿足拉麵正常發揮，以依個價錢嚟講合格有餘

大丸和風食堂（旺角）📍旺角通菜街75-77號地舖今日陪媽咪去女人街買嘢，順便食埋晚餐先返屋企，經過見到呢間大丸和風食堂，裝修都好有日本風味，就入咗去食個晚餐。餐廳環境都幾整潔闊落，叫咗幾款熱食同卷物，質素都唔錯。雜錦天婦羅 $68👍🏻雜錦天婦羅都幾大份，亦都有同種類嘅食材，例如炸蝦、茄子、南瓜、冬菇、青椒同番薯，師傅火候同埋炸粉份量都控制得啱啱好，望落同食落都好鬆脆，賣相亦都好吸引～鹽燒厚切牛舌串 $68👍🏻一份牛舌總共有兩串，份量都唔少㗎，牛舌本身非常嫩口，牛味亦都好濃郁，燒得好香口，調味亦都唔會過多，配埋檸檬汁，食落去一啲都唔會油膩！三文魚加州卷 $58經典嘅卷物，份量都唔少，三文魚都幾新鮮～蟹膏軍艦 $28蟹膏份量一啲都唔少，配上清甜嘅青瓜，幾清新。鍋仔手打烏冬 $78用一個小鍋嘅形式上菜，湯底係濃郁嘅豬骨湯，烏冬煙靭，仲有一啲配菜例如冬菇，大蔥，紅蘿蔔等等，兩個share食啱啱好。另外呢個烏冬仲包多一隻天婦羅蝦～另外呢個烏冬亦都可以優惠價加多一杯巨峰梳打 只需+$12

喺旺角閒逛嘅一日，嚟到人來人往嘅通菜街，見邊到有位就入去坐低，估唔到俾我搵到間性價比高嘅日式餐廳👍🏻老闆安排咗卡位俾我哋，坐得好舒服食物都有好多選擇，有啲似居酒屋嘅食物呢一個火炙卷有吞拿魚、三文魚、帶子。呢三種嘅刺身用火槍燒一燒，中和左魚生嘅油膩感，加上啲甜甜地嘅醬汁，口感好豐富，而且都幾大份👍🏻免治雞肉棒燒得啱啱好，整體texture好實，唔似有啲餐廳一咬會散開，調味都適中👍🏻嗌咗四款壽司試下，分別係花之戀、油甘魚、黑松露帶子、芥辣八爪魚。我個人最推薦黑松露帶子，黑松露嘅鹹香味中和咗帶子嘅膩，令到個帶子有少少好似炙燒嘅感覺👍🏻明太子雞翼啖啖肉，明太子嘅香辣味就係雞翼最好嘅調味😋本身驚唔夠飽，嗌多咗個冷烏冬，但食完個烏冬就已經超級飽🤣烏冬口感彈牙，食完覺得個口好清爽嗌飯或者麵，可以+$10至$12去跟一杯嘢飲，而我就揀咗加$12加咗一杯宇治抹茶鮮奶，唔會太甜，茶味都足夠👍🏻-總結：最後埋單，兩個人食咗三百幾蚊，喺旺角嚟講人均百幾蚊食到質素唔錯嘅日本料理，我覺得性價比非常高👍🏻推薦大家都嚟試吓

今日去左大丸和風食堂食晚飯，地理位置方便，由旺角站行過去只需要幾分鐘入到去…環境都好寬敞，唔係平時食放題個D細枱。服務員都有禮貌，笑面迎人！我哋－行二人點咗1. 蒲燒鰻魚飯上到枱熱辣辣，鰻魚好厚份量好足夠！忍唔住相機食先…哈哈哈2. 天婦羅配手打烏冬成個賣相出黎唔錯，烏冬汁唔會好咸…烏冬彈牙！天婦羅有六件，包括：蝦、蕃薯、南瓜、茄子🍆小食方面我哋仲叫左鹽燒厚切牛舌，－份有2串…. 正！推介大家可以encore! 牛舌燒完唔會乾爭爭，juicy 同埋滑口！仲有鹽燒雞軟骨都好好味！脆卜卜…好野味！送酒一流整體而言，以平民價錢可以食到依個食物質素都真係好唔錯👍

大丸和風食堂位於旺角女人街內傳統日式料理餐廳。必須讚揚大丸和風食堂用餐環境。裝潢典雅，充滿日本傳統風格元素，從餐桌到牆壁上藝術品都展現出細膩設計。舒適氣氛感覺好放鬆。菜單提供多種豐富選擇。壽司非常新鮮，米飯軟糯而口感完美。三文魚加州卷，鳗魚卷炸物非常出色鹽燒三文魚頭，好新鮮明太子雞翼，正除壽司和炸物，拉麵非常美味。有著豐富湯底和彈牙麵條，我一口接一口地吃個不停天婦羅拉麵服務方面，大丸和風食堂工作人員非常友善和專業。他們總是笑容滿面地迎接客人，並樂於回答任何問題。他們提供快速而有效服務，確保客人在用餐期間感到舒適和滿意。總體而言，大丸和風食堂印象非常好。他們提供高質量的日本料理，用餐環境舒適，服務優質。下次去開旺角，一定會再去

今日放工去左旺角搵嘢食，心郁郁想食日本嘢見到門口幾和風就揀咗呢間。入到去環境都寬躺，大部分座位都係卡位，坐得幾舒服。佈置亦都有心思，充滿日式元素，比人一種和式居酒屋嘅感覺。嗌嘢食前侍應會係枱面放壺水，幾貼心睇完Menu發現呢度有好多唔同嘅日式美食，有魚生有丼飯有拉麵，包羅萬有任君選擇！今次晚餐就一共嗌左4樣嘢，分別兩個主食、兩個燒物。主食方面，先黎一個特盛海鮮丼。醋飯質地不俗，海鮮就包括帶子、三文魚、赤蝦、玉子同三文魚籽，份量十足。隻赤蝦大大隻😆而各款刺身食落都有魚味尤其三文魚為最好。隨海鮮丼都附上味噌湯，個湯係有蘿蔔、豆腐、海帶，飲落好滿足。唔會話好鹹，味道啱啱好～另一個主食就叫左滑蛋親子丼， 份量有驚喜， 啲雞肉好多，飯亦多，十分足料，自問算大食都食得算飽！價錢方便非堂之抵，70蚊都唔洗。燒物方面就叫左一串鰻魚同明太子雞翼。鰻魚食落夠味、口感亦軟熟，同埋冇個啲刺人口嘅小刺。而且仲有啲沙律菜伴碟, 有肉又有菜。而明太子雞翼更加抵讚。外皮燒得幾好，外脆之餘都保留到肉汁。入面嘅明太子令到個雞翼再惹味啲，加上佢係去咗骨嘅，食落又好食又方便我呢啲懶人總括嚟講，我會話呢度係間性價比幾高嘅餐廳，

Wed 1st Nov 晴通菜街嘅又一選擇11月1號 星期三 ‘2023 晴今日立心要喺通菜街呢個臥虎藏龍嘅地方搵食。呢間 大丸和風 個鋪好大，裝修簡潔，都算係乾淨企理，地方闊落，坐得幾舒服。餐牌全部都係大路嘢，走平實路線，好似要同爭先硬鬥硬。佢哋有一系列$9壽司，貨真價實童叟無欺，what you pay what you get。自己用QR code落單，慢慢叫慢慢食慢慢傾，喺旺角鬧市中都算係一個選擇。叫咗個切角魚生丼，實而不華。三文魚係OK嘅，切得都幾厚，部位都幾肥。火焰帶子，同埋火焰煆，都係即場火焰，隻碟仲係暖暖哋。火焰出嚟嘅燶味都幾出，恰到好處。

食左牛肉壽喜鍋、滑蛋雞排蓋飯及明太子雞翼牛肉壽喜鍋嘅肉片嫩滑多汁，搭配蔬菜和豆腐，湯底鮮美。而滑蛋雞排蓋飯滑蛋雞排外酥內嫩，滑蛋配搭酥脆的雞排好入味，食得好滿足，而脆雞翼外脆內軟，令人回味無窮，呢三道菜都各有特色，值得推薦。

人生第一次會覺得軍艦要食到掉左塊紫菜先食到入口😭😭其實本身都唔expect係女人街食日本野會有幾出色。。但見到間餐廳好似咁多好評。。價錢都正常。。咁就同朋友去試下啦🥹點知, 差不多無一樣野係可以稱得上好食😩 而最差最差最差既你真係諗都諗唔到 ,竟然係D紫菜😩 叫左板海膽其實味道唔差嫁 ,但一連埋紫菜入口, er? 點解個感覺咁怪既? 痴住個咀入面勁耐都吞唔到😂 我朋友一食先知原來已經淋晒😂 然後店員就講佢地D紫菜係咁😂 真係真心笑死🤣 海膽就話可以就咁食姐。。但軍艦真係搞唔掂🤦🏼‍♀️ 要最後要搣走張紫菜佢先食得落口🤓 真係人生無幾可以經歷咁既餐廳😂😂每人食左都三百幾蚊其實最後好似無食過野咁😂 溫馨提示: 不要叫生蠔🙅🏼‍♀️不要叫生蠔🙅🏼‍♀️不要叫生蠔🙅🏼‍♀️ 重要野講3次🙅🏼‍♀️因為係無味的。最後同朋友就係因為D紫菜笑左成餐, 都算係意外收獲🤣 大家如果想體驗下D地獄紫菜既真係可以去體驗下😂😂 總結: 如果想食日本餐真係唔好係女人街食。。。去返連鎖店食啦都係😂 起碼覺得有食過野😂

今晚同中學同學食飯，呢間我地當年常幫襯，當然去返大丸支持同回味下，仲係咁好食，價錢仲係大眾化，好好。地方大岩晒幾個朋友傾計食飯，又吾洗怕會其他日本餐廳咁急急叫人走咁，大丸可以比你坐得舒服又冇壓力，真心喜歡。我食左個特盛海鮮丼，呢個餐包左飲品同味噌湯，都係百多元，認真抵食，飲品我揀左蜜桃梳打，好爽呀，好飲！丼飯都好大碗， 有大蝦，帶子，魚子，三文魚，甜蛋等，好豐富，好多料食到飽！之後我自己另外叫左火焰黑松露帶子壽司，因為我很喜歡帶子，火焰呢款又好好食，黑松露味都出！吾錯。之後大家share照燒魷魚筒，好抵啊，記得只係8x元，好大條魷魚筒，而且燒得好好食，一啲都唔un，朋友分來食吾錯啊。今晚很開心，食日本野都可以食飽又吾傷何包，一流。

夏天特別鍾意食日本嘢！因為貪涼快易入口！ 今日就同朋友食咗呢間大丸和風食堂， 嘢食同埋價錢都好合理，環境服務都好好，坐得都好舒服，食得好愉快。位置旺角通菜街，好方便， 到步我哋太肚餓喇，入去就點左個丼飯先，叫左三色刺生丼，上碟好快，好快就有得食喇！d刺身好新鮮，有三文魚，吞拿魚，油甘魚，大大碗都幾飽架，之後加12元仲有杯梳打，揀左菠蘿梳打，爽呀。之後慢慢再睇menu，超多野食選擇，點左 鐵板牛油帶子 同埋鹽燒厚切牛舌串。先講牛油帶子，一共有五大粒，加埋啲菇 ，熱辣辣成個鐵板上碟，好好食好惹味！ 魚牛舌串都好大舊，一啲都唔un，咸咸哋好香口，都好好食。整體感覺都好好食，價錢合理，又坐得舒服地方夠大，不錯。

餐廳嘅地點很容易就可以搵到，就係喺女人街附近，平時同朋友一齊去行街之後會選擇嘅餐廳，貪佢食物選擇多而且環境闊落，同朋友吹多陣水坐耐啲都唔會被職員趕走。今日我同朋友夜晚高峰時間去都唔係特別多人，坐得舒服，又食得舒服，食物質素又對得住預期。灸燒丼飯我好似細細個，但其實份量一啲都唔細。三文魚帶子都有比較重嘅灸燒味，係真係食得出嘅炭火感，但係因為我比較鍾意食生嘢，所以我就覺得燒得有啲太熟了。珍珠米飯底唔錯，粒粒飽滿而且軟硬適中。牛肉壽喜燒湯底味道偏甜，成個壽喜燒鍋好足料，有數片牛肉，魔芋結和金針菇白菜等嘅多種蔬菜，牛肉上到來嘅時候係生的，要自己浸落去湯嗰度浸熟。其實相對於牛肉來講我自己更鍾意入面嘅蔬菜，吸收咗湯底嘅味道，本身冇乜味嘅蔬菜變得好好味！$58嘅價錢來講質素唔錯，性價比幾高下。尤其係是生野食得多嘅時候食多啲依一類熱辣辣嘅食物胃好舒服～

黑松露三文魚沙律🥗三文魚厚切大大粒而且份量激多，感覺上近乎係成份三文魚刺身咁，黑松露沙律醬亦都落足料，同三文魚好夾，再連埋底下嘅沙律菜一齊食都仲係好香，而且都只係$48，好抵食👍活赤貝新鮮有彈性🥢月見免治雞肉棒🍗雞肉棒入面有啲軟骨，食落多咗啲卜卜脆嘅口感，增加咬口，而依隻碟完全係為依個雞肉棒而設，有個小格裝住生蛋黃，唔驚啲蛋汁流走🥚鹽燒日本手羽🐓將雞翼兩端嘅骨去咗，食起嚟就方便啲～鹽燒三文魚頭燒得OK，連埋魚鮫位🐟牛肉豆腐鍋又係另一樣好抵食嘅野，$58份量絕不欺場，幾片肥牛鋪喺面，由熱湯慢慢煮熟，個鍋亦都可以保存到熱力，鍋入面仲有大大片豆腐、菜、芋絲、冬菇、金菇等等，可以索到甜甜地湯汁，個牛肉鍋係完全對得住個價錢有餘🍲

呢家真系乜都貴，對大部分人黎講食餐飯點都系追求平多過質素，食日本菜比人印象向來系貴，如果想平平地食餐日本菜有咩選擇？大丸和風食堂相信系好吾錯嘅選擇，好多菜式而且價錢經濟實惠。蟹肉忌廉可樂餅好有驚喜，外層香脆可口，內層忌廉滑溜🤍蟹肉新鮮🦀吉列黑豚同樣脆卜卜🐷黑豚肉還不錯，質感偏向結實，沾上沙律醬更滋味💛月見免治雞肉棒🐔雞肉棒沾上蛋黃味道不錯。醬油七味燒左口魚邊壽司/ 蟹膏軍艦/ 鵝肝壽司醬油七味燒左口魚邊壽司正常發揮，勝在左口魚邊吾系間間日本餐廳有。蟹膏軍艦蟹膏好新鮮，鵝肝壽司油脂豐富，整體黎講壽司款式幾好，呢間餐廳好多壽司款。天婦羅配蕎麥冷麵，天婦羅幾有心思，系雜錦天婦羅有南瓜🎃茄子🍆大蝦🍤香脆而不油膩，大蝦爽口彈牙。蕎麥麵沾上素麵汁好滋味！