鵜舞

營業中

休息中

好友飯局，約咗6:30pm準時入座。以為可以開開心心用餐，可惜整體食物上枱時間極慢。 當侍應通知要落last order時，為了盡興就點多兩款串燒作完結。在等候期間突然被通知夠鐘交枱，要求我哋立即離枱，轉去門口另一張枱繼續等。 侍應話，下一個訂位的客人已經到咗，必須即刻入座。 我哋表示食物未到齊，要求侍應催吓厨房快d上埋遲遲未到的食物，我哋食完之後會即走。 侍應說ok,於是我哋繼續等。 點知唔夠3分鐘，另一位女侍應發曬脾氣走埋來大叫客人到咗喇！ 點解呢張枱仲未走！於是再一次被要求轉枱！我哋再次拒絕！ 侍應黑晒面走開，態度差到極點！ 後來我哋食埋最後的串燒，即刻叫埋單，埋單都等左5分鐘。 走人時出到門口竟然見到餐廳內仲有好多張吉枱無人坐。 結論：服務態度極差，食物及環境點好都無用！ 立入黑名單，無下次！