韓兄弟燒烤

營業中

休息中

近年韓風吹得咁勁，連帶韓國菜喺香港都越嚟越普遍。我同大少都經常會食韓國嘢。上網見到有一間韓國餐廳係有韓國兩兄弟親自主理，我哋兩個都即刻慕名而去試一試。鋪入邊嘅裝修都十分之地道，真係好似去咗韓國咁呀！點完餐之後店員就已經即刻放底幾碟前菜，係可以追加嘅！唔少得有爐邊蛋同芝士粟米粒！燒肉我地就選擇左牛頸肉同豬五花肉。兩款肉都非常新鮮，肉味濃郁！食韓國野梗係唔少得要飲湯啦！我地就叫左一個泡菜排骨湯。排骨相當入味，而肉又炆得相當鬆軟，唔會嚡！個湯整體相當惹味，唔會太辣！值得推介😬最後嚟到嘅係蜂蜜蒜蓉炸雞！呢個炸雞絕對無令我地失望，上枱嘅時候已經聞到非常香嘅蜜糖味！咬落去個炸皮非常脆，又夠薄👍🏻入面嘅肉仲十分多汁！呢個炸雞值得一試！今次呢間韓國餐廳絕對有我地係韓國食嘅水準，又勾起我地去韓國條引啦！