金子半之助 (奧海城二期)

營業中

休息中

朋友見我日本思鄉病發作，帶我去奧海城食好嘢，醫下個病，應該係醫下個肚先啱。原來係日本東京嘅排隊店「金子半之助」一坐低先飲杯黑豆茶茶，有清熱作用，食煎炸嘢都唔驚。迷你天丼&稻庭烏冬 店員突然帶來一個大木箱，原來裏面有五種配料俾你加上烏冬一齊食，例如鏗魚絲，蔥花，海藻。湯底十分清甜，烏冬質感夠彈牙。之後再將溫泉蛋蛋汁撈埋烏冬一齊食，湯底即時變得更濃郁，烏冬質感更加滑溜。迷你天丼嘅天婦羅海老外層鬆脆，食落不會感覺油膩，海老好大隻，用料新鮮，不愧為日本名店。車海老軟殼蟹天丼份量十分澎湃，完全見唔到有飯。軟殼蟹肉質厚身，蟹膏香濃。魷魚海鮮炸餅（干貝+魷魚）第一次食，好鮮味。除了豐富嘅海鮮之外，仲有一隻炸至半熟嘅玉子，將蛋汁混入米飯一齊食，味道即時提升，包你可以KO所有飯。