影片
更多
2024-01-31
303 瀏覽
呢間日本撈麵店嚟到香港已經一段日子 礙於太懶唔想排隊 一路都冇試過 原來已經開咗分店嚟沙田 難得唔係好多人 決定下獎勵下辛苦工作嘅自己🥲未試之前以為係食撈拉麵 點知原來係主打日本風格嘅台式拌麵(Taiwanese mazesoba) 麵質比較似日本祭典見到嗰啲炒麵正宗全料東京撈麵 $109貪心嘅我抱住一期一會嘅心態嗌咗個全料版 同另一款原味東京撈麵($89)嘅分別在於呢碗有有豬腩(叉燒)同溏心蛋🤭食落口第一下感覺係鰹魚粉味好強 再嚟係蒜味 最後係蔥同韭菜嘅辣味 整體嚟講味道都唔錯 值得一試🥹 不過叉燒同溏心蛋份量都唔多 而且味道冇乜特別 如果只係想嚐鮮嘅 我覺得試原味東京撈麵就夠餐廳仲有教食客幾個步驟 可以中間加唔同配料轉下口味 第一步嘅黑椒我就覺得有啲雞肋🤨 反而香醋真係幾好食 酸酸哋令啲麵更易入口 另外個辣粉都唔錯👍🏻最後食曬啲麵 就可以問店員攞個迷你白飯撈埋落去喇 真正嘅「汁都撈埋」千祈唔好懷疑 嚿飯真係好迷你 只有一隻湯匙咁多 啱啱好可以撈曬啲料😛 份量嚟講 一個女仔自己嗌一碗 食埋迷你白飯都飽呀焙茶拿鐵 $40味道一般 同無印焙茶拿鐵粉自己沖差唔多🤣服務嚟講 喺香港當然我都冇
未試之前以為係食撈拉麵 點知原來係主打日本風格嘅台式拌麵(Taiwanese mazesoba) 麵質比較似日本祭典見到嗰啲炒麵
正宗全料東京撈麵 $109
貪心嘅我抱住一期一會嘅心態嗌咗個全料版 同另一款原味東京撈麵($89)嘅分別在於呢碗有有豬腩(叉燒)同溏心蛋🤭
食落口第一下感覺係鰹魚粉味好強 再嚟係蒜味 最後係蔥同韭菜嘅辣味 整體嚟講味道都唔錯 值得一試🥹 不過叉燒同溏心蛋份量都唔多 而且味道冇乜特別 如果只係想嚐鮮嘅 我覺得試原味東京撈麵就夠
餐廳仲有教食客幾個步驟 可以中間加唔同配料轉下口味 第一步嘅黑椒我就覺得有啲雞肋🤨 反而香醋真係幾好食 酸酸哋令啲麵更易入口 另外個辣粉都唔錯👍🏻
最後食曬啲麵 就可以問店員攞個迷你白飯撈埋落去喇 真正嘅「汁都撈埋」千祈唔好懷疑 嚿飯真係好迷你 只有一隻湯匙咁多 啱啱好可以撈曬啲料😛 份量嚟講 一個女仔自己嗌一碗 食埋迷你白飯都飽呀
焙茶拿鐵 $40
味道一般 同無印焙茶拿鐵粉自己沖差唔多🤣
服務嚟講 喺香港當然我都冇期望有日式款待啦 不過門口有位店員就比較粗聲粗氣 唔係好想有客嚟咁 拉低曬成間鋪嘅服務水平 有啲可惜🙃
評分 (🌕🌕🌗:正常)
性價比:🌕🌕🌕🌑🌑
味道:🌕🌕🌕🌕🌑
服務:🌕🌑🌑🌑🌑
賣相:🌕🌕🌕🌕🌑
環境:🌕🌕🌕🌑🌑
結論: 久唔久可以食下 試埋其他款
⛺麺屋こころ (新城市廣場一期)
📍沙田沙田正街18號新城市廣場一期7樓704號舖
張貼
