炑

營業中

休息中

最近去咗炑食lunch，好有驚喜☺️之前睇到介紹，呢度嘅主打係天婦羅同壽喜燒，啱晒我口味~餐廳裝修以木系為主，日式中有高雅感覺，而且好寬敞，整體感覺好舒適。選擇咗壽喜燒套餐，有師傅幫忙處理食材，我哋一邊傾偈一邊等食就可以了😆今次一次過試到四種肉類，套餐仲會包含前菜，茶碗蒸，漬物同甜品。不得不讚下個前菜，蒜味蕃茄沙律配搭好特別，除咗清新爽甜，還有突出嘅蒜香🧄另外茶碗蒸都好滑溜，加咗蝦仁更有口感🦐牛肉有兩款，個人比較欣賞日本十勝和牛西冷，點埋蛋汁，入口嫩滑，有溶化感，另一款牛就係美國肉眼，其實都係好嫩又有牛味，只係不及和牛搶鏡😌雞肉用上薩摩地雞，有種獨特嘅鮮甜味，而且肉質較有彈性。西班牙黑豚肉油花細緻，肉味都好香。而壽喜燒另一重點就係煮野菜，一般都會用上比較索湯嘅蔬菜，可以完全品嚐到湯汁嘅精華，紅蘿蔔，冬菇，娃娃菜，洋蔥等等🧅另外還有一款類似芋絲嘅麵條，師傳介紹叫做葛絲，又爽又彈牙，唔錯👍🏻食埋飯，飲埋湯，再食埋甜品，超滿足！甜品係柚子雪芭，酸酸甜甜又冰涼，啱晒食完咁多肉之後食，可以解一解膩~