台酒鍋 (已結業)

最近台灣終於開關, 真係好想立即出發, 但可惜抽唔到時間, 仲記得以前去親台灣一定會留一晚係食台式火鍋, 同朋友傾開快閃台灣, 傾到大家癮起就去左依度食台式火鍋一共有4個Level任食套餐, 我地叫左Lv2, 當中有美國Prime Grade牛板腱, 西班牙Batale白豚肉同紐西蘭羊肩肉係指定任叫任食, 而其他台式小食同火鍋配料都係任食, 湯底有9款可以選擇, 店員推介佢地個沙茶豬筒骨湯, 所以我地就叫左個鴛鴦鍋, 叫左依個沙茶再拼酸菜白肉湯點肉類同小食係用QR CODE落單, 火鍋配料丸類菜類、飲品、醬汁同雪糕等等都係自己出去拎, 當中有我鍾意食既午餐肉、芫茜燒賣, 特別啲既丸有冬蔭公蝦球、墨汁腸同三星蔥熔醬貢丸等等拎完配料, 返到埋位湯底就上左啦, 有幾件豬筒骨係湯內, 全部大大件, 而酸菜白肉湯味道夠濃郁又夠酸, 酸菜同白肉份量都幾多先灼塊牛板腱, 灼幾秒就食得, 肉質比較有咬勁, 但唔會乾身鞋口, 牛味適中, 另外我比較鍾意牛肩胛, 肉質比較軟熟, 牛味濃郁啲除左美國Prime Grade牛肉之外, 個嫩滑鮮滑牛都唔錯, 入口滑身又夠軟熟而台式小食都有好幾款平時必叫既, 鹽酥