露面手工拌麵料理

突然好想食熱辣辣嘅湯面，就揀咗位處灣仔嘅露面手工拌麵料理。鎮店蟹黃拌麵蟹黃同麵分開上，雖然望落去似係偏稀，不過飲落都有蟹嘅鮮甜味道，麵條亦有足夠嘅韌性。嫩雞白布湯闊麵就咁睇似係平平無奇，但一試個湯底覺得幾creamy，雞肉亦夠嫩滑，闊麵食落去嘅感覺有啲似餃子皮咁。巴蜀口水雞個口水雞夠哂惹味，如果份量再大啲就好啦。鎮店蟹皇雲吞之前試過巴蜀粒粒大雲吞，今次就試吓蟹黃雲吞。蟹黃味道都幾突出，如果雲吞皮再薄啲就perfect啦。蜂蜜百香果茶鍾意百香果嘅味道，杯茶飲落唔會太甜，合乎我口味。