影片
更多
2023-09-17
1276 瀏覽
有個朋友突然話想食豪啲獎勵下自己🤪，於是搵咗佐敦呢間高級嘅日式鐵板燒 try try 佢！ 門口見到大門金色設計，仲要按鐘先會有師傅開門，私隱度極高，唔講以為係麻雀館🀄，哈哈～入面裝修都好型，墨綠色嘅牆同凳，🐲仲有幅龍嘅立體浮雕，好有氣勢！我哋 book 咗晏晝去食，所以無其他客人，🧑🏻🍳坐喺 bar 枱可以睇到師傅點製作，上碟後師傅又會逐一介紹，感覺唔錯！而 menu 方面，套餐價錢由 $588 - $1888 不等，以爐端燒價格差唔多。今次我哋分別叫咗 $588 嘅五道菜同 $788 嘅七道菜套餐。😋基本有沙律+海鮮2品+肉類1品+炒飯+甜品，而七道菜多咗前菜同湯。🦞海鮮2品可以揀北海道帶子、扇貝、東星斑、白膳、鮑魚或者虎蝦，🥩而肉類可以揀豬、牛或者雞。都唔算喺好矜貴嘅食材，就係食師傅手勢同用餐體驗！🥗煙三文魚沙律爽甜嘅沙律菜配上柚子醋，清新開胃，煙三文魚加埋黑魚籽就更有口感！🍳蘭王溫泉蛋蘭王溫泉蛋用茶具裝住，上面仲有魚籽醬同食用花，即刻高級咗！🥖鵝肝多士鵝肝好厚外脆內滑，配埋菠蘿汁同檸檬醬，唔會太油膩，連埋麵包食，口感非常豐富！🐚北海道帶子帶子燒到半熟，肉質保持嫩滑，新鮮彈牙，
今次我哋分別叫咗 $588 嘅五道菜同 $788 嘅七道菜套餐。😋基本有沙律+海鮮2品+肉類1品+炒飯+甜品，而七道菜多咗前菜同湯。🦞海鮮2品可以揀北海道帶子、扇貝、東星斑、白膳、鮑魚或者虎蝦，🥩而肉類可以揀豬、牛或者雞。都唔算喺好矜貴嘅食材，就係食師傅手勢同用餐體驗！
🥗煙三文魚沙律
爽甜嘅沙律菜配上柚子醋，清新開胃，煙三文魚加埋黑魚籽就更有口感！
🍳蘭王溫泉蛋
蘭王溫泉蛋用茶具裝住，上面仲有魚籽醬同食用花，即刻高級咗！
🥖鵝肝多士
鵝肝好厚外脆內滑，配埋菠蘿汁同檸檬醬，唔會太油膩，連埋麵包食，口感非常豐富！
🐚北海道帶子
帶子燒到半熟，肉質保持嫩滑，新鮮彈牙，而且好鮮甜，配埋下面嘅意大利黃瓜同黑魚籽多層口感！旁邊嘅蝶豆花泡泡海鹽泡泡唔止靚，仲鹹鹹哋，可以提升鮮味，好得意！
🦐大虎蝦
大虎蝦勁新鮮彈牙，手打蝦頭蝦膏汁鹹香十足，特別惹味！
🦪扇貝
扇貝加咗牛油同黑松露汁一齊燒，濃濃嘅黑松露香味，食落仲勁香口彈牙！
🐉白鱔
白鱔外皮又香又脆，肉嫩無骨，啖啖肉！
🐮澳洲牛柳粒
牛柳粒肉質嫩滑，肉味濃郁，幾juicy，配上竹炭鹽、炸蒜片、櫻桃蘿蔔同手磨嘅 wasabi，將牛柳粒增加唔少層次！
🐥雞扒
雞扒煎得好香口，雞皮脆口，肉質鮮嫩，配埋辣菜汁同櫻桃蘿蔔，好好滋味！
🍚海膽炒飯
海膽鮮味 creamy，飯粒炒得粒粒乾身，有甘筍、蔥花、蒜蓉、雞蛋同大蝦，夠味有口感！
🫘紫薯雪糕配紅豆爆爆珠
紫薯雪糕唔會太甜，好軟綿綿，配埋紅豆爆爆珠，煙軔有豆味，好特別！
張貼
