百川薈

營業中

休息中

佐敦及尖沙咀一帶有好少美食，係經過恆豐酒店發現到呢間餐廳，主打食鑊氣小炒同豬扒米線。不過今次想食另一樣，就係百川秘制雞煲二人揀左小辣嘅秘制雞煲，店員直接係你面前炒，所以都要等大概十五分鐘先食得，係店員翻炒期間，逐漸聞到好香既麻香味，而且份量都幾多。食落原來小辣都幾濃味，愈煲愈濃雞件已經入味且多肉，配料洋蔥食落非常淋同甜我地覺得係佢愈煲愈濃味既期間，就最岩落烏冬既時候，等烏冬掛曬個麻辣醬汁，就係最好味既時候！然後再落安格斯肥牛，去做烏冬嘅主菜。肥牛叫左細份都好多，肥瘦尚算平均，即使湯濃郁都冇蓋過牛的味道。除咗肥牛，我地仲叫左墨魚滑同鮮蝦雲吞。兩者之中，墨魚滑係比較好食，食到墨魚粒，而且彈牙。雲吞雖然真材實料，可能皮比較厚，食落口感略為遜色。不過整個雞煲黎講，係不錯的！