影片
更多
2023-08-18
31 瀏覽
佐敦區都可以食到驚喜鐵板燒omakase,。今晚同老公來到一條普通街角裡, 門面一啲都唔起眼仲有啲神秘嘅日式鐵板餐廳龍亭, 門外係睇唔到裡面嘅環境, 差啲連門口都唔知係邊。餐廳座位不多, 有張長L形Bar枱圍住鐵板燒爐, 約坐到10個人, 另外仲幾張梳化枱。裝修簡潔, 環境幾特別。我地揀咗2份入門廚師發板套餐(五道菜)$588, 再加一支香甜檸檬清酒; 今日仲有法國白川生蠔做promotion, $5隻, 叫咗半打, 一邊傾下計, 一邊飲下酒, 一邊睇住廚師煮出每一道道美味菜式再送到你面前介紹一下, 食材新鮮大大件, 師傅純熟嘅手法, 燒下, 焗下, 再輕輕調味, 都睇到我地入哂迷。送到上枱香到不得了, 味道鮮甜。真係一件樂事呀!沙律首先套餐都有一份沙律, 三文魚黑魚子醬, 沙律菜配意大利黑醋, 味道酸微微令人開胃, 黑魚子醬帶來鹹香嘅味道, 除車釐茄外, 仲有粒酸甜嘅龍珠果, 口感甜脆,。鐵板海鮮跟住就係鐵板燒啦, 海鮮和肉類鐵板燒都可根據當日餐廳食材供應選擇, 每人可揀兩款海鮮和一款肉類, 海鮮方面我們選了帶子, 鮑魚及東星班魚柳。蒜蓉鮑魚, 東星班配黑柚子醋及蝶豆花泡沫, 中式得
我地揀咗2份入門廚師發板套餐(五道菜)$588, 再加一支香甜檸檬清酒; 今日仲有法國白川生蠔做promotion, $5隻, 叫咗半打, 一邊傾下計, 一邊飲下酒, 一邊睇住廚師煮出每一道道美味菜式再送到你面前介紹一下, 食材新鮮大大件, 師傅純熟嘅手法, 燒下, 焗下, 再輕輕調味, 都睇到我地入哂迷。送到上枱香到不得了, 味道鮮甜。真係一件樂事呀!
沙律
首先套餐都有一份沙律, 三文魚黑魚子醬, 沙律菜配意大利黑醋, 味道酸微微令人開胃, 黑魚子醬帶來鹹香嘅味道, 除車釐茄外, 仲有粒酸甜嘅龍珠果, 口感甜脆,。
鐵板海鮮
跟住就係鐵板燒啦, 海鮮和肉類鐵板燒都可根據當日餐廳食材供應選擇, 每人可揀兩款海鮮和一款肉類, 海鮮方面我們選了帶子, 鮑魚及東星班魚柳。蒜蓉鮑魚, 東星班配黑柚子醋及蝶豆花泡沫, 中式得嚟又有啲玩fusion咁。蒜蓉鮑魚唔會太熟, 軟硬適中, 口感一流。東星班外皮煎到卜卜脆, 內裡魚肉又夠鮮嫩, 鐵板燒時間控制得好好。廚師介紹東星班點黑柚子醋及蝶豆花泡沫一齊食, 酸甜味可提升魚嘅鮮味, 但就咁食都已經好鮮味了。
另一個係帶子黃瓜魚子醬及蒜蓉鮑魚。鮑魚上秘製蒜蓉醬味道濃郁惹味, 帶子煎到剛剛熟, 好鮮嫩, 上面有黑魚子醬帶來鹹香嘅味道, 再加上意大利脆黃瓜, 清爽多汁, 口感好唔同, 又特別。
鐵板肉類
燒完海鮮就燒下肉, 澳洲和牛切成小件粒狀變成牛肉粒, 仲要去筋, 廚師只用靚牛肉中間肉心位去燒牛肉粒比我地, 真係夠哂嫩呀! 又方便進食, 選擇了五成熟, 熟度也很完美, 配上新鮮芥末及黑炭鹽, 令牛肉的鮮味再提升, 再配埋旁邊香脆嘅蒜片一齊食, 食到不同層次味道。旁邊有個好得意嘅小櫻桃蘿蔔比你解膩, 廚師切到好可愛, 好似小磨菇咁。
另一款肉選擇了雞扒, 雞扒口感香脆又嫩, 一點也不油膩, 蔬菜辣汁仲有特濃蒜油, 秘製蔬菜辣汁酸酸辣辣開胃增添香味, 我好鐘意呢個汁, 唔錯。
鐵板海鮮炒飯
鐵板海鮮炒飯比其他地方吃到嘅有啲唔同, 它米飯比例比較少, 仲用日本蛋加甘筍粒蔥同其他材料粒炒, 感覺健康, 海鮮主要為大大隻的蝦, 很爽彈。
甜品
最後嘅甜品是豆腐雪葩, 及紫薯雪葩。雪葩都好味, 紫薯夠香甜; 雪糕上面有朵好靚嘅比利時玫瑰花食用花, 仲加咗爆珠紅豆, 食落口感都唔同呀!
額外生蠔
今晚有法國白川生蠔做promotion, $5隻, 真係好抵食, 我地叫咗半打; 生蠔都幾大隻, 好香海水味, 但又唔係好咸, 口感好滑, 好creamy。
香甜檸檬清酒
呢支檸檬清酒都幾甜, 好容易入口, 飲落好清新, 有檸檬清香, 濃度有14%, 加了冰飲, 濃度冇咁高會好啲。
張貼
