影片
更多
2023-02-06
8927 瀏覽
呢個放題不得了啊，由任食小食，限量刺身，任食雞煲，任食海鮮打邊爐，真係滿足曬幾個願望😆仲要無限時，由5pm到10:30pm，真係淨食海鮮都回本！餐廳由侍應落單，想食咩要同姐姐講！食物嘢飲湯底都係自家製，好有誠意，真心高質好食，有朋友已經食第三次！留意雞煲係冇得返轉頭再叫，小食幾時可以encore，可以跟人頭落單，份量同數量都可以自選。🍴環球海鮮火鍋放題 $398 另收加一 (9/10)🍴蝦多士 (8/10)即叫即炸，蝦肉彈牙，好香黑松露味！🍴黑糖糍粑 (8/10)即叫即炸好煙靭，最驚喜係入邊有流心嘅黑糖，勁方便又唔使再沾黑糖！🍴皮蛋姜 (7/10)酸酸地，好開胃！🍴螺肉 (7/10)用咗沙律醬去撈都好夾！🍴酸菜魚 (8/10)酸酸辣辣，魚肉都好嫩滑！🍴刺身 (7.5/10)三文魚好肥美，魚都好正常呀，帶子都正常，鮑魚腍身，花蟹好多羔都甜嘅，蝦肉係腍嘅，八爪魚到爽口，但整體嚟講比出面嘅刺身都算係好食！🍴雞煲 小辣 (8/10)有炒香過，入邊有辣椒芫荽，雞肉好香口，辣辣哋，食落好嫩滑！🍴家嫂花膠湯 (10/10)限量，book枱時十入邊有花膠蘿蔔蓮藕，真材實料，非常香濃好有膠質，有雞嘅香味
餐廳由侍應落單，想食咩要同姐姐講！食物嘢飲湯底都係自家製，好有誠意，真心高質好食，有朋友已經食第三次！留意雞煲係冇得返轉頭再叫，小食幾時可以encore，可以跟人頭落單，份量同數量都可以自選。
🍴環球海鮮火鍋放題 $398 另收加一 (9/10)
🍴蝦多士 (8/10)
即叫即炸，蝦肉彈牙，好香黑松露味！
🍴黑糖糍粑 (8/10)
即叫即炸好煙靭，最驚喜係入邊有流心嘅黑糖，勁方便又唔使再沾黑糖！
🍴皮蛋姜 (7/10)
酸酸地，好開胃！
🍴螺肉 (7/10)
用咗沙律醬去撈都好夾！
🍴酸菜魚 (8/10)
酸酸辣辣，魚肉都好嫩滑！
🍴刺身 (7.5/10)
三文魚好肥美，魚都好正常呀，帶子都正常，鮑魚腍身，花蟹好多羔都甜嘅，蝦肉係腍嘅，八爪魚到爽口，但整體嚟講比出面嘅刺身都算係好食！
🍴雞煲 小辣 (8/10)
有炒香過，入邊有辣椒芫荽，雞肉好香口，辣辣哋，食落好嫩滑！
🍴家嫂花膠湯 (10/10)
限量，book枱時十入邊有花膠蘿蔔蓮藕，真材實料，非常香濃好有膠質，有雞嘅香味，同時又有花膠膠質，仲有少少花雕酒味，好好飲！
🍴海鮮邊爐配料
白鱔好爽口有魚味，爽口魷魚，聖子爽口冇沙幾甜，蝦肉鮮甜爽口，鮑魚新鮮彈牙，反而蜆肉類嗰啲都比較重海水味！蠔仔大粒有蠔味！
麻辣豬肉丸都幾過癮，鯪魚肉都好食好多蔥，蝦膠冬菇有東南亞嘅香料味，墨魚丸超多墨魚，食得出係手打，好濃墨魚味，韭菜雲吞幾多韭菜，白菜豬肉餃都幾好味，
肥牛片係正常肥牛，只係吉野家嗰種比較肥少少！豬肉片比較鞋口少少，不過都正常！魚皮都OK但偏鹹，
雜菜
有娃娃菜，生菜，海大，菠菜都好豐富！
🍴嘢飲
紅棗圓肉杞子
唔會好甜，比較清淡啲，反而熱嘅話會甜啲濃啲
檸檬薏米水
有檸檬嘅香味，不過比較清淡。
蘋果雪梨茶
好香甜清心，我覺得最好飲！
🍴番薯糖水
薑味非常濃郁，都好辣，番薯偏硬，不過都咬到！
🍴椰皇燉蛋白
表面係雪燕，係冇乜味嘅，蛋白甜甜地，好滑溜，啲椰肉都好軟腍，好香椰子味，好好食！25蚊都算幾抵食！
推薦指數: 9/10
高質又真係好抵食，有刺身雞煲少食海鮮打邊爐真係滿足晒所有願望，仲要真係好食！夜晚可以由5點食到10點半，可以同一班朋友慢慢傾偈慢慢食，真係我食過最好食嘅放題！
張貼
