HARA

營業中

休息中

經過呢間餐廳幾次，都覺得佢嘅裝修好靚，好少喺佐敦會見到一啲咁有格調嘅餐廳。今日再次經過，見到入面唔係好多人唔使等位，於是就決定試一試佢。入到去坐低先發現呢度嘅裝修好特別，吧枱後面有個木架上放有各式各樣不同嘅清酒杯，而且餐廳嘅餐具都係有悉心挑選過的，感覺到店主花咗好多心思係呢啲細節位，未開始食嘢已經對呢間餐廳好有期待。原來呢一間餐廳係賣多國菜，主打係西日料理，食物嘅種類都非常之多，有刺身，小食，串燒，到牛扒都有，睇咗個餐牌好耐先決定到食咩😆😆😆叫咗刺身拼盤，帶子超級新鮮，蠔配上醬汁感覺好清新，另外仲有兩款醃咗嘅魚生，味道好特別，值得一試！羊架嘅擺盤十分之靚，望落去嘅顏色比較散，但係食落去感覺啱啱好，肉味濃郁，而且肉質嫩滑，鍾意食羊架嘅朋友絕對唔可以錯過！魚湯烏冬絕對有驚喜，魚天婦羅係另上既，唔會比啲湯浸到林晒，魚湯非常清甜，而且好濃郁，感覺上係好足料，已經唔記得咗有幾耐冇食過咁好食嘅烏冬，就算食到好飽都忍唔住成碗湯飲晒！最後食埋個甜品焦糖燉蛋，用椰子殼做裝飾，比較特別，為呢餐晚餐畫上圓滿嘅句號。