影片
更多
2023-04-24
9 瀏覽
前排去咗佐敦寧波街嘅龍亭食晚餐。餐廳門面隱蔽，啞金色牆身配上日本風裝修，十分有格調。內裏裝修以綠色為主，餐廳中央更有盞水晶吊燈，幾優雅。餐廳設有沙發座同吧枱，吧枱位更可以望到師傅鐵板燒嘅手勢。餐廳主打日式鐵板燒，除咗有dinner set外，仲可以散叫海燒、牛肉、豬肉等，選擇十分多。今次我地叫咗個五道菜同七道菜嘅廚師發板。🔻五道菜廚師發板 $588🔻七道菜廚師發板 $788◽️季節限定沙律沙律菜新鮮爽口，面頭有鮮甜嘅菠蘿同較少見嘅龍珠果，果肉夠曬juicy，再配上黑醋汁。◽️溫泉蛋配魚子醬七道菜獨有嘅一道菜。用上咗日本蘭王蛋，蛋味濃而且嫩滑，再配上魚子醬，感覺高級。⭐️鐵板海鮮兩品每個廚師發板都可以選擇兩道海鮮作鐵板燒。◽️北海道元貝元貝大粒，食落鮮甜肥美，配上牛油黑松露汁，味道剛剛好。◽️白鱔白鱔外皮略脆，肉質彈牙，味道鮮嫩且唔腥，用鐵板燒方式更可燒出獨有嘅香味。嫌味道唔夠嘅可以點點旁邊嘅七味粉。◽️鮑魚鮑魚味道新鮮得黎大隻，食落彈牙，再用上獨家嘅蒜蓉作調味，味道配合得幾好。◽️特大虎蝦虎蝦大隻多肉，味道鮮甜，食落彈牙。旁邊更有以蝦膏制成嘅醬汁。⭐️鐵板肉類一品每人可以揀一道肉類作鐵板燒。◽️澳洲牛柳
餐廳主打日式鐵板燒，除咗有dinner set外，仲可以散叫海燒、牛肉、豬肉等，選擇十分多。今次我地叫咗個五道菜同七道菜嘅廚師發板。
🔻五道菜廚師發板 $588
🔻七道菜廚師發板 $788
◽️季節限定沙律
沙律菜新鮮爽口，面頭有鮮甜嘅菠蘿同較少見嘅龍珠果，果肉夠曬juicy，再配上黑醋汁。
◽️溫泉蛋配魚子醬
七道菜獨有嘅一道菜。用上咗日本蘭王蛋，蛋味濃而且嫩滑，再配上魚子醬，感覺高級。
⭐️鐵板海鮮兩品
每個廚師發板都可以選擇兩道海鮮作鐵板燒。
◽️北海道元貝
元貝大粒，食落鮮甜肥美，配上牛油黑松露汁，味道剛剛好。
◽️白鱔
白鱔外皮略脆，肉質彈牙，味道鮮嫩且唔腥，用鐵板燒方式更可燒出獨有嘅香味。嫌味道唔夠嘅可以點點旁邊嘅七味粉。
◽️鮑魚
鮑魚味道新鮮得黎大隻，食落彈牙，再用上獨家嘅蒜蓉作調味，味道配合得幾好。
◽️特大虎蝦
虎蝦大隻多肉，味道鮮甜，食落彈牙。旁邊更有以蝦膏制成嘅醬汁。
⭐️鐵板肉類一品
每人可以揀一道肉類作鐵板燒。
◽️澳洲牛柳粒
五成熟嘅澳洲牛柳粒，食落juicy，油脂適中但肉味算香。廚師以手磨wasabi同竹炭鹽作兩種調味料，竹炭鹽味道偏淡，個人更建議點少少wasabi，平衡番油脂味。
◽️宮城縣厚切黑豚扒
來自宮城縣嘅黑豚肉，肉質厚實且多肉汁，可以點點蒜蓉牛油醬作調味。側邊蘑菇形狀嘅蘿蔔十分可愛。
◽️天婦羅麵豉湯
七道菜獨有嘅湯料理。麵豉湯中有豆腐同海苔，味道偏淡。
◽️炒飯
炒飯炒到粒粒分明，十分乾身。整碗炒飯雖少但十分足料，有彈牙蝦肉、蒜粒..等，幾好食。
◽️豆乳雪糕
最後以雪糕甜品作整餐嘅結尾。豆乳味偏濃，再配上爆珠粒粒。
◽️美人梅酒 $93
食鐵板燒點可以唔配酒，我地另外點咗支美人梅酒，梅味幾重而且酒精濃度唔高，非常易入口。
張貼
