漁正居酒屋

營業中

休息中

居酒屋係同朋友飲酒聚腳既好地方，今次就搵到呢間位於佐敦既性價比之選漁正😍店內裝修以木系傳統居酒屋風味為主，餐牌上由刺身壽司到串燒、一品料理等一應俱全，選擇繁多而且價錢合理！🔸酒盗芝士、吉列雞丸子、鹽燒雞皮餃子酒盗係醃製過既魚內臟，本身偏重鹹味加上芝士就成為呢道日本傳統佐酒小食。吉列雞丸子係輕炸過既免治雞肉，內裡保持juicy肉汁；鹽燒雞皮餃子就以燒得脆卜卜既雞皮代替傳統餃子皮，口感獨特又惹味🤤🔸串燒：雞冠、雞肝、荔枝豚肉雞冠比較少餐廳有得食，鍾意佢煙韌口感又唔會有腥味。雞肝同荔枝豚肉都有正常發揮，配上兩枝辛口日本酒係完美配搭🍶🔸自家製厚燒玉子厚燒玉子睇落簡單，但每間餐廳同家庭都有唔同食譜同調味！漁正既厚燒玉子除了高湯鹹香仲有微微甜度，味道平衡得宜，口感仲好幼滑🤤🔸左口魚裙邊壽司、鰻魚小卷左口魚裙邊油分較重，入口油香滿溢，基本上每次食壽司都係必點🥰鰻魚小卷就比較易入口，鰻魚調味香口，好快就食哂成碟！