影片
更多
2023-06-14
907 瀏覽
呢一間打卡火鍋店，收埋咗喺to go list好耐。朋友生日唔想食西餐居然話想打邊爐，岩晒啦 終於有人陪我黎🤤一出𨋢，就好似穿越時空返左去50年代咁，餐廳懷舊得黎仲比人一種好典雅嘅感覺。餐廳地方闊落，善用每一個角落位放設卡座，坐得舒服唔會有壓迫感。用黎隔格嘅牆都留有拱門設計，加強空間感之餘亦有足夠私隱度。每一個角落都有花心思去設計，留聲機、撥號電話、打字機、人力車、車仔檔、長板凳⋯⋯一啲只會起螢幕上/博物館先見到嘅舊物，一一起眼前呈現。連一啲細節位好似去洗手間經過嘅長走廊有1969年嘅舊報紙做裝飾，甚至連最冇人在意嘅洗手間，都睇得出有刻意設計過。Welcome drink 飲落甜甜地，唔記得左個名，不過條錦鯉好精緻📌日本牛乳玫瑰鍋 以花入撰：湯底除左有好IGable用牛奶雪成嘅玫瑰花冰令人望到都心心眼之外，仲加入唔同顏色嘅食用花，好似將個色彩繽紛嘅花園放左起你面前，絕對係打卡必備！另外用左木瓜黎做底托～木瓜牛乳湯，夠晒滋潤養顏！📌 香江拼入面有牛白肉、牛心頂呢啲特別部位，仲有安格斯肥牛、牛柳粒、手切肥牛、牛小腿、牛脷、黑柏葉，食得出都好鮮味落單後可以掃QR code睇教學，除左可以對應
一出𨋢，就好似穿越時空返左去50年代咁，餐廳懷舊得黎仲比人一種好典雅嘅感覺。
餐廳地方闊落，善用每一個角落位放設卡座，坐得舒服唔會有壓迫感。用黎隔格嘅牆都留有拱門設計，加強空間感之餘亦有足夠私隱度。每一個角落都有花心思去設計，留聲機、撥號電話、打字機、人力車、車仔檔、長板凳⋯⋯
一啲只會起螢幕上/博物館先見到嘅舊物，一一起眼前呈現。連一啲細節位好似去洗手間經過嘅長走廊有1969年嘅舊報紙做裝飾，甚至連最冇人在意嘅洗手間，都睇得出有刻意設計過。
Welcome drink 飲落甜甜地，唔記得左個名，不過條錦鯉好精緻
📌日本牛乳玫瑰鍋
以花入撰：湯底除左有好IGable用牛奶雪成嘅玫瑰花冰令人望到都心心眼之外，仲加入唔同顏色嘅食用花，好似將個色彩繽紛嘅花園放左起你面前，絕對係打卡必備！另外用左木瓜黎做底托～木瓜牛乳湯，夠晒滋潤養顏！
📌 香江拼
入面有牛白肉、牛心頂呢啲特別部位，仲有安格斯肥牛、牛柳粒、手切肥牛、牛小腿、牛脷、黑柏葉，食得出都好鮮味
落單後可以掃QR code睇教學，除左可以對應番肉嘅種類，仲有最佳烚肉時間，唔使驚淥到過熟
我就最鍾意朵立體嘅玫瑰花：
安格斯肥牛，牛味濃郁、肉質軟嫩、油花分布平均，朵花仲好似夾極都仲有咁。
牛白肉：入口一啲都唔羶，爽口彈牙，咬口最後食到少許油脂啲香，邪惡度爆表，食過返唔到轉頭🫣 
牛柳粒好清甜，一咬落去juicy大大粒好有口感。
📌七彩餃子
🖤 蟹肉黑松露餃🤍姬松茸野菌餃
🧡金華火腿菜肉餃💜和牛香茜餃
💙蟲草花餃💚冬菇薺菜餃💛午餐肉粟米餃
顏色好繽紛 餃子皮唔會好厚 每一隻都有紫蘇葉襯托住，放起一個好古色古香嘅層架上面。冬菇薺菜餃：滿滿薺菜食得出好新鮮 。蟹肉黑松露餃：淡淡黑松露味，加左啲菇口感彈牙；蟲草花餃顏色好誇張嘅淺藍色，加左木耳絲幾好咬口
📌兩杯野飲黎果時我聽到隔離即刻嘩～～～左一聲，然後話要嗌😂 （證明我冇揀錯😌）夢幻嘅煙燻氣泡，見到都少女心爆發。兩杯都屬於碳酸飲品，唔會太甜。鳳硫香比較清新；桃花緣係甜甜嘅粉色，入面有桃肉啫喱同新鮮桃肉，口感相對豐富。
㊙️留意番：氣泡大約維持到大半至一分鐘左右，記住ready定手機📱把握時間影相/拍片，唔係佢就會化成一縷水果味嘅輕煙🥹
睇番單發現醬料費係要額外收錢
呢度部分醬料都幾少見但夠晒港式：生油、麻油、沙茶醬、腐乳同埋潮州辣椒油
本來價錢令我覺得小貴，但係睇番餐廳起食物、環境、甚至係餐牌都有落足心機同誠意，完全打破左「打卡餐廳啲野食都唔得」呢個定律，完全係「美貌」與「食物質素」並重
所以就算你對打卡完全無興趣，呢度嘅食物質素都肯定唔會令你失望。
服務方面比較深刻嘅係：雖然果日係平日夜晚，無諗過都坐無虛席。驚訝嘅係店員每次都起我哋想叫加湯之前，就自動過黎加左（連續幾次都係）令我有啲懷疑到底係咪有timer提住佢地😂只可以話佢地真係好周到
呢度仲有一個好似team lab咁嘅打卡位，利用三面鏡同大小不同嘅波波燈營造出多重空間嘅錯覺，千祈唔好錯過～
張貼
