影片
更多
2023-06-04
146 瀏覽
Bookmark左呢間香江花月一段日子，今晚終於同朋友一齊食到啦，餐廳以懷舊香港做主題，見到有人力車、舊式電話、電視機等等，裝修夠哂氣派，淨係影環境相打卡都要啲時間呀🌟日本牛乳玫瑰鍋 ($168)打邊爐除左有靚牛之外，湯底都好重要，我就揀左呢款養顏既牛乳玫瑰鍋，用上日本北海道牛乳製成既牛奶冰，湯底加入食用玫瑰花，散發出淡淡既玫瑰花香，正🌟香江拼 ($798)呢款香江拼全部都係牛既唔同部位，賣相非常吸引最啱打卡，落單之後店員會比個QR code你scan，入面會詳細介紹，仲好細心地教埋我地最佳時間唔驚煮過火啦拼盤有三格都係安格斯肥牛，砌到玫瑰花形狀超靚，而且雪花紋好靚，仲有啲特別部位例如牛心頂、牛白肉等等，涮3秒就食得，牛心頂口感鮮嫩爽脆幾好食🌟七彩餃子 ($108)呢款七彩餃子放左係木架度啱哂打卡，有齊多個唔同口味，包括: 金華火腿菜肉餃、冬菇薺菜餃、蟹肉黑松露餃、午餐肉粟米餃、和牛香茜餃、姬松茸野菌餃同蟲草花餃，每款餃子都皮薄餡靚，而且超足料，推介～🌟桃花緣 ($88)香江花月既特飲都好啱打卡，叫左桃花緣同鳳琉香，店員會係席前加上煙燻氣泡，要影相就要快啦，呢杯桃花緣係由自家製桃肉啫喱
Bookmark左呢間香江花月一段日子，今晚終於同朋友一齊食到啦，餐廳以懷舊香港做主題，見到有人力車、舊式電話、電視機等等，裝修夠哂氣派，淨係影環境相打卡都要啲時間呀
🌟日本牛乳玫瑰鍋 ($168)
打邊爐除左有靚牛之外，湯底都好重要，我就揀左呢款養顏既牛乳玫瑰鍋，用上日本北海道牛乳製成既牛奶冰，湯底加入食用玫瑰花，散發出淡淡既玫瑰花香，正
🌟香江拼 ($798)
呢款香江拼全部都係牛既唔同部位，賣相非常吸引最啱打卡，落單之後店員會比個QR code你scan，入面會詳細介紹，仲好細心地教埋我地最佳時間唔驚煮過火啦
拼盤有三格都係安格斯肥牛，砌到玫瑰花形狀超靚，而且雪花紋好靚，仲有啲特別部位例如牛心頂、牛白肉等等，涮3秒就食得，牛心頂口感鮮嫩爽脆幾好食
🌟七彩餃子 ($108)
呢款七彩餃子放左係木架度啱哂打卡，有齊多個唔同口味，包括: 金華火腿菜肉餃、冬菇薺菜餃、蟹肉黑松露餃、午餐肉粟米餃、和牛香茜餃、姬松茸野菌餃同蟲草花餃，每款餃子都皮薄餡靚，而且超足料，推介～
🌟桃花緣 ($88)
香江花月既特飲都好啱打卡，叫左桃花緣同鳳琉香，店員會係席前加上煙燻氣泡，要影相就要快啦，呢杯桃花緣係由自家製桃肉啫喱，配上乳酸和梳打水及新鮮日本桃肉，口感豐富層次分明
🌟鳳琉香 ($78)
而呢杯鳳琉香主要以鳳梨汁同Ginger Ale沖調而成，飲落有少少似Fruit Punch，果味香濃口感清新
張貼
