雞仔去骨海南雞專門店 (青山道)

營業中

休息中

長沙灣舊樓區地下鋪隠藏美美海南雞店，店舖唔算大，疫情下有間版都好有私人空間咁，但店員上餐就辛苦少少，不過呢度啲店員都好友善。餐湯係冇味精ge木瓜雪耳羅漢果湯，估計係加埋雞殼煲，好香，有家的感覺海南雞飯雖然話係油飯，其實一啲都唔油，飯好乾身。獲分配雞髀，雞肉肉質好滑有雞味🙊，去左骨可以啖啖肉咁食，好滿足。碟邊有三個汁加青瓜，另外仲有碟菜心，好豐富。餐飲熱奶茶比較澀，除此之外都好好味，值得支持小店。