雞仔去骨海南雞專門店 (青山道)

下午茶$40 都有大大份！抵食上次食過豬頸肉飯有驚喜今次試埋海南雞飯 都好好食😳 👍🏻👍🏻肉好滑而且唔肥 ！油飯都好香 難怪下午茶都咁多人食！ 大讚 每天有不同嘅湯 好好飲 無味精 赤小豆煲雞骨 及椰子雞湯 …查看更多

這間去骨專門店，今次純粹路過好彩今次去到的時候，比正常午餐時間早了少少，當我們坐低不久便很多人入嚟，證明呢間餐廳有好多熟客今日我哋係點午餐，他們見到我爸爸是老人家，特別話俾我們知道會安排一份比較熟的雞給老人家，避免因為雞有少少生意引致肚痛，他們真的很好，結果海南雞飯送到枱面，看到真的是比較熟的，老人家可以很放心地享用午餐而我選擇了雞髀，加了$12另一個朋友想食辣的口味我們三個人對他們的海南雞讚口不絕…查看更多

今次嚟到深水埗 雞仔去骨海南雞專門店，主打去骨海南雞同多款東南亞風味小食，價錢親民，份量唔欺場，唔少街坊都會專登嚟外賣或者堂食快快食完。🐷 泰式豬頸肉油飯 $59豬頸肉炭香味濃，切片厚薄適中，食落彈牙唔韌，配上酸辣泰式醬汁提味，幾惹味。油飯粒粒分明帶雞油香，唔會太乾，整體幾有驚喜！🐔 海南雞油飯 一人餐（配細菜＋熱檸茶）$70去骨海南雞方便食，雞肉滑溜冇雪味，雞皮薄薄一層夠嫩，仲帶雞香；油飯香口唔漏，夠晒入味。配菜當日係清炒唐生菜，爽口不油。熱檸茶香濃夠檸香，少甜啱晒解膩。無論你係海南雞迷定係鐘意食泰式燒味，呢間店都係抵食之選，快靚正又唔傷荷包！…查看更多

朋友介紹我嚟食，同老婆食過兩次晚市，剛好兩次都唔駛等位，但都幾好生意。價錢平一般茶餐廳幾蚊，但份量超有驚喜，比一般茶餐廳多10%，男人都夠飽。雞肉滑，真無骨，油飯都唔錯。味道唔敢講話好特別，但絕對係好過一般茶記嘅水準。如果計埋個價錢同份量，簡直無得輸，外面食過$150嘅海南雞飯，都無呢間咁好食！正如我所謂，因為只係海南雞飯，唔算非常特別，所以我只會當佢係一間有水準嘅普通餐廳，唔會話要特登去食，純粹夠平夠飽，性價比高咁啦。…查看更多

上一次食已經係半年前 之前已經覺得啲雞好嫩滑好鍾意食 今次工作關係行過入嚟食下,海南雞依然嫩滑,廚房師傅仲keep到水準 值得稱讚肉骨茶都好足料 抵食 環境方面就差少少,餐廳內不時會有飛蟲,不過食物品質有保證…查看更多