家後2.0

營業中

休息中

今次食呢間餐廳叫「家後2.0」，主打手工餃子嘅小店。上網睇先知2.0應該係指佢哋嘅第二間鋪，我哋就未食過食過主店。食完終於知點解開到第二間店喇！因為佢哋嘅手工餃子套餐真係幾出色🥟 。最近香港專門食手工餃子舖頭越開越多，我覺得呢間嘅食物水準係比較幾高嘅，而且性價比都高。我哋叫咗雙拼芹菜豬肉餃同埋菠菜豬肉水餃套餐：水餃大大隻不在話下，餡料十分新鮮，皮唔會太腍，而且冇諗過個湯底幾好飲🤓，仲要跟埋生菜。佢配咗一個上海麵，個湯底又係不得了，可能加咗昆布，超級鮮甜！由於太肚餓，我哋有叫咗個日式住家飯團，佢蒸到熱辣辣上枱，噴晒煙咁好正，佢入面係有啲日式漬物，估唔到個名，但係幾好食🤣最後仲點咗雙冬羊腩飯 🍚🐑。羊腩煮得幾腍，超入味，冬菇同冬筍嘅味道好香濃，同羊腩好夾，撈埋啲汁落白飯度超正👍🏻。