影片
更多
2025-02-02
416 瀏覽
每逢到年尾，#小秘書 特別多「維修保養」要跟進😙 做facial、剪頭髮、整指甲… 樣樣都係要時間🥴 不過我點都會抽幾粒鐘時間出嚟行吓 #花市，行個大運🌸🌸🌸 今年趁早，我哋安排咗去 #維園，貪嗰度夠晒人氣，而最重要就係附近好多好嘢食😆 出發之前，我哋去到SOGO附近一間上樓 #日式居酒屋 「 鳥居 居酒屋Tori izakaya 」搵吓「家鄉」嘅感覺😉 餐廳以木系裝飾做主打，感覺置身東京嘅 #居酒屋 一樣，好有親切感❤️ 打開餐牌食物嘅選擇都唔少，#串燒、#魚生刺身 樣樣齊，對我呢個患有嚴重選擇障礙症嘅人嚟講，真係花多眼亂啦🥴 好在服務員夠細心，佢介紹我哋可以試吓佢哋個「午市二人前」，咁就可以樣樣試啲，滿足吓為食嘅我哋😉蟹籽沙律蟹籽同青瓜絲放埋一齊，再拌入特製嘅沙律醬汁，凍凍地入口非常清新🤤刺身三點（三文魚、油甘魚、赤蝦）新鮮嘅魚生刺身特別鮮甜，大大隻嘅赤蝦，沾上少許醬油入口… 甜到呢🤤汁物（味噌湯）加入蜆肉嘅味噌湯，多咗一份海鮮醇厚嘅甜味🤤海鮮燒物（味噌燒帆立貝）師傅將味噌放喺帆立貝上一齊燒，更加突出海鮮嘅鮮甜味，熱辣辣好好食🤤串燒（一夜干雞翼、鹽燒牛肉、金白豚肉）師

餐廳以木系裝飾做主打，感覺置身東京嘅 #居酒屋 一樣，好有親切感❤️ 打開餐牌食物嘅選擇都唔少，#串燒、#魚生刺身 樣樣齊，對我呢個患有嚴重選擇障礙症嘅人嚟講，真係花多眼亂啦🥴 好在服務員夠細心，佢介紹我哋可以試吓佢哋個「午市二人前」，咁就可以樣樣試啲，滿足吓為食嘅我哋😉

蟹籽沙律
蟹籽同青瓜絲放埋一齊，再拌入特製嘅沙律醬汁，凍凍地入口非常清新🤤
刺身三點（三文魚、油甘魚、赤蝦）
新鮮嘅魚生刺身特別鮮甜，大大隻嘅赤蝦，沾上少許醬油入口… 甜到呢🤤
汁物（味噌湯）
加入蜆肉嘅味噌湯，多咗一份海鮮醇厚嘅甜味🤤
海鮮燒物（味噌燒帆立貝）
師傅將味噌放喺帆立貝上一齊燒，更加突出海鮮嘅鮮甜味，熱辣辣好好食🤤
串燒（一夜干雞翼、鹽燒牛肉、金白豚肉）
師傅控制得火侯剛剛好，微焦嘅外皮，咬落去充滿肉汁🤤 鹽燒牛肉肉味濃郁，啱晒食肉獸嘅我哋🤤
料理（炒雜菜）
嘩！碟雜菜上枱嘅時候仲出緊煙㗎😙配上木魚碎，香口得嚟、望落夠晒儀式感🤤
主食（溫泉蛋玉子飯）
食咗咁多好嘢，最後梗係要嚟碗我至愛嘅日本珍珠米飯做補充，加入特式醬油再配埋隻溫泉蛋，濕濕地令人零舍開胃🤤

整體食物質素同餐廳服務都令人滿意❤️ 可惜埋單先留意到原來餐廳做緊優惠，酒精類產品滿$600以上，買一送一；如果幫襯lunch set嘅話，更會有九折優惠，真係勁抵🤩 有機會下次約埋朋友一定要試吓☺️
📍 鳥居居酒屋 (銅鑼灣) 軒尼詩道525號澳門逸園中心17樓
張貼
