748
31
39
等級4
829
0
2016-06-01 1876 瀏覽
父母都喜歡外出食中餐, 但父親大人由於煮功了得, 對食要求甚高, 除咗用料要新鮮外, 仲要烹調方法難以在家中廚房做到, 所以每次同父母外出食飯, 都會做資料搜集確保一定啱佢地食.一般中式酒樓集團菜式流於公式化, 今次目標係近住所喺觀塘區食私房菜, 上Openrice見到御膳係低調工廈私房菜高手, 獲得甚多好評, 又有套餐選擇, 一於提早訂位慶祝父親節.打電話訂位時已經有數款套餐以供選擇, 餐廳亦提議可以一試一些新菜式.根據Openrice地圖指示都唔算難去到餐廳, 搭電梯去到該樓層, 睇見室號一樣但冇招牌放置在外, 於是推門一睇, 原來餐廳在此.餐廳佔地不大, 裝修簡潔, 有幾張圓枱. 因為菜單已訂定好, 所以再確定一下客人名字就可上菜.頭盤麻辣鹵水拼盆(例)有豬大腸、雞絲青瓜同牛肚, 豬大腸質地腍滑鹵得入味, 帶點肥但不膻. 雞絲青瓜爽口中帶點麻辣. 牛肚係三樣之中最辣, 鹵得入味有咬口.大蜆什菌豆腐湯, 奶白色魚湯配上大蜆什菌豆腐十分鮮甜, 最適合食完麻辣頭盤後飲用.蒜蓉粉絲蒸大蟶子皇用上金銀蒜蒸十分冶味, 蟶子皇體形碩大, 肉質鮮甜彈牙, 粉絲鋪底吸盡金銀蒜蟶子精華.古法蒜子炒大
更多
父母都喜歡外出食中餐, 但父親大人由於煮功了得, 對食要求甚高, 除咗用料要新鮮外, 仲要烹調方法難以在家中廚房做到, 所以每次同父母外出食飯, 都會做資料搜集確保一定啱佢地食.

一般中式酒樓集團菜式流於公式化, 今次目標係近住所喺觀塘區食私房菜, 上Openrice見到御膳係低調工廈私房菜高手, 獲得甚多好評, 又有套餐選擇, 一於提早訂位慶祝父親節.

打電話訂位時已經有數款套餐以供選擇, 餐廳亦提議可以一試一些新菜式.

根據Openrice地圖指示都唔算難去到餐廳, 搭電梯去到該樓層, 睇見室號一樣但冇招牌放置在外, 於是推門一睇, 原來餐廳在此.

餐廳佔地不大, 裝修簡潔, 有幾張圓枱. 因為菜單已訂定好, 所以再確定一下客人名字就可上菜.

頭盤麻辣鹵水拼盆(例)有豬大腸、雞絲青瓜同牛肚, 豬大腸質地腍滑鹵得入味, 帶點肥但不膻. 雞絲青瓜爽口中帶點麻辣. 牛肚係三樣之中最辣, 鹵得入味有咬口.
35 瀏覽
0 讚好
0 留言
大蜆什菌豆腐湯, 奶白色魚湯配上大蜆什菌豆腐十分鮮甜, 最適合食完麻辣頭盤後飲用.
31 瀏覽
0 讚好
0 留言
蒜蓉粉絲蒸大蟶子皇用上金銀蒜蒸十分冶味, 蟶子皇體形碩大, 肉質鮮甜彈牙, 粉絲鋪底吸盡金銀蒜蟶子精華.
26 瀏覽
0 讚好
0 留言
古法蒜子炒大肉蟹, 蒜子吸收蟹汁精華入口既爽又甜, 加上少少醋酸味似乎比肉蟹更吸引. 依家初夏理論上肉蟹唔當造, 但今晚隻蟹肉多又鮮甜.
26 瀏覽
0 讚好
0 留言
花雕蛋白蒸龍躉球, 蒸蛋白入口滑溜, 龍躉球肉質結實彈牙.
27 瀏覽
0 讚好
0 留言
蒜片牛柳粒蒜片帶焦香味, 牛柳粒有濃郁牛味入口嫩滑冇渣.
18 瀏覽
0 讚好
0 留言
蒜蓉炒時菜, 芥蘭理論上都唔當造但同冬天食時冇分別, 一樣莖粗爽甜.
23 瀏覽
0 讚好
0 留言
蟹油銀芽炒麵, 炒麵炒得好有功夫, 麵條爽滑唔油膩.
24 瀏覽
0 讚好
0 留言
菠蘿鳥生果拼盆, 以原個菠蘿挖空, 再放入奇異果、提子、藍莓、士多啤梨、蜜桃、奇異果等生果在內及旁邊, 生果款式多又鮮甜, 造型異常搶眼, 呃like首選.
29 瀏覽
0 讚好
0 留言
24 瀏覽
0 讚好
0 留言
26 瀏覽
0 讚好
0 留言
39 瀏覽
0 讚好
0 留言
今晚四人餐如果五個人食都足夠有餘, 份量十分之大, 每位收$330加$2茶錢免加一, 十分化算. 父母都對今餐都好滿意, 順利過關, 下次可以再約.
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2016-05-24
用餐途徑
堂食
人均消費
$332 (晚餐)