農

營業中

休息中

☆ 農 沙田白石角香港科學園第二期科技大道西10號浚湖樓地下S041A號舖✦ 烈焰菠蘿炒飯2個字 招積！霸氣盡露呀！菠蘿炒飯好乾身，粒粒分明好清新。✦ 乳鴿 皮薄得黎又脆，肉質嫩滑多汁。✦ 氣鍋雞呢個燉湯好好飲呀！椰子雞湯好濃郁，好清甜，入面仲有少少料，好正！✦ 避風塘軟殼蟹好大堆頭呀！軟殼蟹脆卜卜好多膏，辣辣地好好味。✦ 松露懶人雞呢個真係同佢個名一樣，岩晒懶人，因為佢係好似手撕雞咁得雞肉，仲要有青瓜絲，然後又留埋d脆皮係到，真係好鬼正！✦ 三蝦豆苗三蝦係蝦乾蝦米同櫻花蝦，配埋豆苗無得輸。✦ 土炮雪茄呢個其實係蝦春卷，脆卜卜得黎入面又好多蝦肉好彈牙，又得意又好食！✦ 小食雙拼 (酒香牛舌、口水彈蛋)牛舌勁厚身，酒香味濃又淋身，好味。口水彈蛋其實係鵪鶉蛋，辣得好惹味，鵪鶉蛋口感好彈好得意。✦ 牛榛仔超級流心朱古力嘅牛牛包，唔會太甜好好味。✦ 貓山王榴槤 造型cute cute，係奶凍質地，入面有少少榴槤肉。✦ 冷泡茶 (瑰麗堂皇、桂花烏龍)入口順滑，瑰麗堂皇玫瑰味好香，桂花都唔錯，淡淡桂花香味。呢到環境都幾舒服，仲要有室外位置，服務都ok，係值得黎試下嘅。