唯一麵家

營業中

休息中

今日打八號風啦，咁呀一兩點嘅時候個個知道可以返屋企就有好多OL打工仔衝左出黎搵食，所以呢我個朋友過到嚟葵芳搵我聚餐都要提早到午餐，但我地就好難搵到一間可以即刻入去嘅餐廳食飯。所以我哋行運成個葵涌廣場，就去咗呢一間唯一麵館，由於我朋友其實中午係禁食嘅，所以只有我一個嗌咗個小窩米線，我仲加咗佢哋面館嘅招牌唯一腩肉，而我朋友就叫咗杯咖啡。其實知道咁多間餐館都入唔到，而得呢一間餐館有位，都知道係伏伏地，但估唔到真係咁難食，我嗰碗小窩米線嗌咗酸辣微辣，所以加咗杯豆漿緩解辣味，但係嚟到嗰個腩肉真係肥到一個點，而果啲酸菜係有浸防腐劑嘅味道。最後就係佢哋啲服務都有啲差，可能因為太多人叫外賣嘅關係，但係收銀嗰時嗰個收銀員態度都唔好，連單都冇俾返我就趕咗我哋走，而且唔知點解收左我七十蚊，所以真係要俾個負評。