南記冰室

營業中

休息中

又係名叫南記嘅餐廳，上星期先食咗南記海鮮，呢次呢間係南記冰室。叫咗車仔麵食，最少要過$38 蚊嘢，即係起碼三餸再揀一個麵左右，佢將啲嘢食分咗類，唔同嘢配料收費唔同，我就叫咗腐皮蘿蔔牛腩河，又幾好食喎，個腐皮好厚，大家都以為係蛋lol 食落好有質感，鍾意食腐皮既人好似我，就會好開心，因為佢個腐皮夠厚，好重豆味，而且煮得好夠腍，唔會話某part 硬「掘掘」咁，另外個蘿蔔都好有驚喜，細細舊但比咗好多舊我，好入味，好腍，而且無喳，好高質！唯一無咁可取嘅係個牛腩，比較肥，同埋有啲根，有少少痴牙。係一間會想幫襯第二次嘅餐廳。