南記冰室

營業中

休息中

南記冰室位於葵涌KCC商場內，lunch 時間座無虛席，店內環境簡潔而舒適，好多在附近上班族都會過嚟食lunch 😊我點了西炒飯，炒飯粒粒分明，有蕃茄、火腿、蝦仁和蔬菜炒得略微帶點焦香，酸酸甜甜，十分開胃😛

今日黎到葵涌地區的老字號港式茶餐廳南記冰室，估唔到除咗有炒粉麵飯還有車仔麵😀😀🍜 車仔麵我揀左蘿蔔、豬腸、米粉揀左腩汁湯底唔太咸，米粉滑順，蘿蔔清甜，豬腸都幾入味，不錯👍🏻🍤 滑蛋蝦仁飯經典港式碟頭飯，蝦仁都有成十隻，足料🤭🤭滑蛋+ 蔥花 + 蘿蔔絲，蝦仁炒蛋撈飯食真係好開胃😁

呢間位於葵興嘅 南記冰室 距離地鐵站非常之近 出站後只要行5分鐘就會到達 佢係一間唔係太起眼嘅餐廳 地方唔算太大 但係座位卻有好多 所以有時都幾逼架 而且因為佢嘅食物真係太好味啦所以每次都會有好多人 尤其是 午餐嘅時候 經常門口都會見到有排隊嘅現象 佢裡面嘅食物 好多都好好味㗎 例如佢好出名嘅 車仔麵 只要你晏少少去就會有好多樣嘢賣曬 例如大腸啦 牛腩啦 可能佢哋預備嘅數量都唔係太多 所以如果你遲咗去 就冇得食㗎啦 不過都唔緊要 因為佢嘅咖喱牛腩飯 都係好好味㗎 另外值得一提係我經常幫襯嘅早餐 佢嘅早餐好抵食 佢嘅沙嗲牛肉通粉非常美味 再加漢堡扒 炒蛋 再整杯香濃熱奶茶添 完完美美嘅早餐 賣單只係三十幾蚊 今時今日真係好難搵到㗎喇 呢間餐廳唯一缺點就係座位比較逼 好多時候都要同人搭檯 侍應亦吾夠人 佢哋比較忙 未必有可以即時回答你嘅問題 另外令我較為唔滿意嘅係佢哋只收現金囉 今時今日好多時都用電子貨幣 如果仲要用現金找數 的確係會帶嚟好多不便㗎 希望負責人會考慮下我哋嘅心情啦

去開附近工作，第一次幫襯早餐。餐廳多位員工都很有禮貌，暫時係幫襯過既茶記之中最好。服務態度滿分。餐廳環境OK。食物OK，價錢合理。有機會會再幫襯。* 有男團應援物

早餐 A8：墨魚春卷麵、煎太陽蛋、漢堡扒、牛油多士、熱奶茶（$41）墨魚春卷有兩條，有啲啲彈牙。公仔麵普遍。煎太陽蛋、漢堡扒，味道正常。牛油多士凍的唔脆。熱奶茶還可以，茶味滿意亦都算滑。葵興工業區嗰邊都有不少茶記，揀呢間因為近KCC，而且望落光猛企理。下次有機會試吓其他。

朋友介紹這間的車仔面，今日經過於是一試，我叫了豬紅、陳皮魚蛋、鹵水豬耳和米粉。食物水準一般，但份量十分之多，連凍飲$65。價錢略嫌有點貴，性價比不高。店內有很多應援物，相信店主是男團粉絲。

下午茶時段同班同事食lunch陳皮魚蛋雞中翼河粉車仔麵中辣都ok豬扒炒公仔麵雞髀沙律雞髀都幾大隻下午茶嚟講都算大份抵食👍🏻👍🏻食物質素唔錯，員工服務態度都好好

葵涌工業區好食茶記，其實一隻手掌可以數得晒。南記是其中之一，食物質素好，員工又有禮貌，而且價錢都不算貴。每次入到去，員工都好有禮貌招呼客人。食物我會推薦焗豬扒飯。因為焗豬扒飯，南記是用一個麵包去整焗。有別於其他茶記，而且仲係炒飯底。$62元包餐飲。

老實講，近年呢，經濟不景，如果時間許可，好多時都會下午茶當晚餐，因為真係實惠好多。今次五點幾喺葵涌做完嘢，就趕及六點前嚟呢度食個豐富嘅下午茶啦。叫咗個咖哩牛腩飯，雖然係下午茶，份量一啲都冇少到，抵讚。牛腩有筋有腩，炆得入味，薯仔都夠腍。咖哩汁偏辣偏鹹，雖然唔係我最鍾意嘅濃椰汁味道，但都算惹味，餸飯一流。另外，最值得一讚嘅係餐廳嘅環境，非常乾淨企理，完全唔似一般茶記，反而更似間 cafe，坐得好舒服。

我同六個同事去食晏晝，已經提早食12點09分落單，去到12點44分叫我哋起身，同我講唔好意思。我都知你好想做多轉枱，但係我哋六個人真金白銀畀咗錢食飯$359，坐多陣都唔得？我杯朱古力奶仲有七成未飲。如果冇乜嘢我都唔會再幫襯！佢呢間店大多數同事員工都好有禮貌，但之前有一位女士戴rolex嘅唔知係咪經理, 都幾冇禮貌。講返食物，佢個焗蕃茄雞扒飯係嘅特別，用麵包皮黎焗，啲麵包皮焗完出嚟係脆嘅，撈落啲飯食都幾好

小編依日中午送完機，搭返車出葵涌，方便晏啲做下一輪嘢～ 😌 因為中途封路塞咗廿分鐘，出到葵涌已經兩點幾，去到冰室時啱啱係下午茶時段，仲有粉麵飯可以醫肚 🙏🏻 🍽 西炒飯 😋😋😋😋😋一啲都唔馬虎嘅西炒飯，蝦仁嘅蝦腸清走晒 👍🏻 比一般茶餐廳見到嘅大隻少少、白裡透紅 🦐 仲有雞肉、火腿、粟米🌽、番茄🍅、洋蔥🧅同雞蛋，材料幾豐富，米飯粒粒分明、酸甜酸甜 👏🏻 食完七分飽，作為下午茶，份量啱啱好，而且唔會口渴～ ☕️ 奶茶 (熱) 😋😋😋😋茶底夠濃、奶較輕身，飲落順滑 ☺️下午茶 💵 約港幣$40/人💁🏻‍♀️ 除咗附近打工仔，亦有唔少熟客幫襯，店員會好熱情打招呼，記得對方食開乜嘢 🤣 對生客如小編又會好有禮貌，上碟會講聲「慢慢食」～ 裝修睇落新型冰室，但有滿滿嘅人情味！🙆🏻‍♀️ 最後，喜歡嘅話，歡迎follow @foodirectory.hk！

車仔麵叫咗兩餸，包括豬扒($14)，墨魚春卷($14)配腩汁米線。 一開始以為係另外一間南記米線，所以決定試吓。湯底就係普通腩汁味，都幾濃味。豬扒份量幾多，大件同多，但係有啲難咬。墨魚春卷有2塊，都幾好食。成碗就total $42，翻工食lunch都算抵食。

走過KCC商場，總會無意間被一陣陣香味吸引，咁就係南記茶餐廳啦！自問係個易餓鬼，今次就揀咗香滑車仔麵，點上牛腩、豬腸配紫菜。講真，牛腩塊塊嫩滑，香氣撲鼻；豬腸又靭又入味，唔會有怪味，實在太震撼我嘅味蕾！🥘飯局掃描，目光鎖定咗嗰份對面食客大呼過癮的黑椒豬扒意粉。喺意粉界，可以話係部署得宜嘅佳作，黑椒醬既惹味又唔過火辣；豬扒厚切多汁，每一口都過癮！🍝至於星洲炒米呢，實行是茶餐廳衡量標準啦。喺南記呢度，佢哋明白咗少讓享受食飯樂趣。米粉爽滑，辣椒油恰到好處咁地帶出香辣味，真係想再嚟多碗！🍜結論嚟講，南記係個不錯嘅選擇，重點係食得開心、食得滿足。重有，一句「飯後口甜」，甜品我就留到下次再分享啦，敬請期待㗎！🍰✨

今次嚟到呢間食肆，真係一個滿足又開心嘅體驗😄。首先黎個多士試下，香脆得嚟唔會太油，咬落去啲牛油香四溢，入口即化，咁滑嘅口感真係啱啱好！隨後嘅火腿奄列同豬扒湯意粉，都各有千秋。奄列外皮金黃得黎唔乾，裏面嘅蛋液滑嫩得嚟叉燒火腿夠味，真係咸香得嚟唔錯重🍳。至於豬扒湯意粉，湯底鮮味十足，豬扒煎得外層微焦香口，肉質腍而唔柴，啜一啜湯，再嚼一啖肉，滿嘴生香。做為晚餐嚟講，呢個份量真係夠曬滿足！雖然無試到傳說中嘅車仔麵🍜，但見同事食得津津有味，我覺得下次絕對要黎一試。總括嚟講，呢度嘅食物係平民價錢之中都算係物超所值，而且食物種類都足夠多，可以話係一個食得開心又滿足嘅好地方。如果想食到正宗港式美食，記得唔好錯過呢間食肆啊！👍🏼🎉💕

講真依家香港地 好食嘅茶餐廳真係唔多， 一係就又貴又細碟， 南記就真係算係咁， 早餐係講又多選擇， 價錢合理， 同埋我最鍾意嘅沙爹牛肉佢真係做得好， 出面好 多啲牛肉一係就拿到 冇質感， 一係就一陣臭腥味， 沙爹牛麵嚟講佢叫做做得有水準， 太陽蛋豬柳麵包 正正常 常好食嘅， 牛油 都唔孤寒， 用靚牛油， 咖啡 茶餐廳嚟講叫做好飲， 當然你冇得同starbucks比較 ，人哋買緊 成 40蚊一杯， 呢度你食個早餐連咖啡都有， 特別想讚一讚呢度嘅辣椒油， 鍾意食辣嘅人一定要試下， 其實佢唔係特別 好 辣， 但係 加咗落去就非常惹味， 我呢個食肉獸 覺得 改善嘅地方係 ，如果碗麵 多啲牛肉 就 更加好🤣🤣🤣 所謂一日之計在於晨，食個靚早餐 make my day非常之重要。 佢呢度早餐種類都算多， 健康啲仲有麥皮早餐， 任君選擇。