螢火

❣️約咗一位好耐無見朋友，咁啱星期六，夜晚周圍食飯都多人，我地都想搵間餐廳食得好啲，呢間就專食日本嘢，餐廳係地庫位置，好易搵，入到去都幾滿場，不過好彩我地到先，一入就即有位啦❣️❣️估唔到呢度又大又咁靚，成間既感覺就好似酒吧餐廳咁，另外有晒師父係面前，可以望住佢地整，睇到做得好乾淨，仲見到師父係咁洗手❣️❣️經店員介紹下，擇好螢火是日推介，呢度既出餐時間可以話捕捉得剛剛好，食完一碟又一碟，首先有💟沙律，沙律都幾好食既，💟蒸蛋就好常見，味道來說好正宗，佢既💟是日海鮮  係象拔蚌，好好食喎，跟住又有💟澳洲龍蝦，超大隻既龍蝦，裡面既龍蝦肉都好肥美，食極都仲有，💟南非鮑魚平時都食得多，呢度既鮑魚認真好食，味道仲有佢地既秘製醬汁，💟日本 A5 和牛厚燒就真係招牌菜，全場最好食，話厚就真係好夠厚，燒出黎真係好香，帶有燒烤味既牛肉，真係好食到無得彈。💟櫻花蝦炒飯好好食，平時就好少機會食到丫，食到炒飯已經飽飽地，最後仲有💟濆物、💟吸物同埋💟甜品