影片
更多
2022-10-12
55 瀏覽
天氣一開始涼涼哋就會想食麻辣嘢～估唔到呢間四川重口味，無論係咪麻辣，碟碟都好味到嘩嘩聲！-蒜泥白肉-呢樣係入親麻辣食店都必嗌，呢度嘅蒜蓉多到爆，每一塊豬肉前後都被滿滿蒜泥包裹住，微辣得嚟咸度適中，作為前菜最好不過！-麻辣煮花螺-其實老公一直都唔肯試呢味餸，因為佢話食過幾次外面買嘅，都會有浸「壓」味。今次見我叫咗就試一粒，點知試完一粒佢就Chur晒大半盤（！？）佢話呢度嘅花螺完全冇「壓」味，麻辣味夠香濃但唔會搶走花螺嘅鮮味，而且花螺完全冇砂，咬落去肉質仲好彈牙！完全顛覆咗佢對麻辣煮花螺嘅舊印象。（仲要幾乎每枱食客都有點呢樣，估計應該係必叫菜式之一）-蒜香大啖蝦-呢道菜嘅醬汁100分！首先蝦肉夠新鮮，咬落去唔會「霉」晒，仲煎到連個蝦殼都好香脆！跟住到個醬，呢個醬真係好食到冇得彈！我哋之前同奶奶慶祝70大壽，Book過一間好貴嘅私房菜，呢度嘅蒜香大啖蝦個醬，完全比得上嗰間貴價嘢嘅相似菜式！！！如果計性價比，呢道菜真係贏九條街！！！一定一定一定要試！勁惹味！-豆腐魚頭湯-上面食咗咁多重口味嘢，好需要飲返啲清啖湯水潤一潤返，本身以為魚頭湯係啲好普通嘅嘢，點知佢哋呢度連魚頭湯都煲得咁！好！飲！！個
估唔到呢間四川重口味，
無論係咪麻辣，
碟碟都好味到嘩嘩聲！
-蒜泥白肉-
呢樣係入親麻辣食店都必嗌，
呢度嘅蒜蓉多到爆，
每一塊豬肉前後都被滿滿蒜泥包裹住，
微辣得嚟咸度適中，
作為前菜最好不過！
-麻辣煮花螺-
其實老公一直都唔肯試呢味餸，
因為佢話食過幾次外面買嘅，
都會有浸「壓」味。
今次見我叫咗就試一粒，
點知試完一粒佢就Chur晒大半盤（！？）
佢話呢度嘅花螺完全冇「壓」味，
麻辣味夠香濃但唔會搶走花螺嘅鮮味，
而且花螺完全冇砂，
咬落去肉質仲好彈牙！
完全顛覆咗佢對麻辣煮花螺嘅舊印象。
（仲要幾乎每枱食客都有點呢樣，估計應該係必叫菜式之一）
-蒜香大啖蝦-
呢道菜嘅醬汁100分！
首先蝦肉夠新鮮，
咬落去唔會「霉」晒，
仲煎到連個蝦殼都好香脆！
跟住到個醬，
呢個醬真係好食到冇得彈！
我哋之前同奶奶慶祝70大壽，
Book過一間好貴嘅私房菜，
呢度嘅蒜香大啖蝦個醬，
完全比得上嗰間貴價嘢嘅相似菜式！！！
如果計性價比，
呢道菜真係贏九條街！！！
一定一定一定要試！
勁惹味！
-豆腐魚頭湯-
上面食咗咁多重口味嘢，
好需要飲返啲清啖湯水潤一潤返，
本身以為魚頭湯係啲好普通嘅嘢，
點知佢哋呢度連魚頭湯都煲得咁！好！飲！！
個湯完全係奶白色，
聞落去已經好香，
飲入口仲要好滑，
好濃魚味！
湯入面超多料勁多豆腐，
齋魚頭都已經有幾個！
仲可以食埋啲魚肉😭
痴線架估唔到連魚湯都可以整得咁好！
-大話七-
真係好耐冇飲過～
除咗有粒話梅喺度浮浮吓，
原來入面仲內落疑似話梅醬（！？）嘅物體，
所以成杯都勁重口梅味，
但完全唔咸，
溝埋7up落去勁生津解喝，
配麻辣重口味嘢食原來可以咁夾！
張貼
