HIKARI

荃灣廣場旁邊嘅食店街，見到呢間Cafe 裝修行簡約風，俾人感覺好似屋企咁舒服。我地係平日夜晚去到，地下一層已經坐滿晒，靚女侍應姐姐就帶我哋上一層閣樓仔，原來別有洞天，呢層設有日式榻榻米，感覺超舒適。🥢西班牙風腸八爪魚新奥爾良飯八爪魚煮得好淋，但有同時保留少少煙韌嘅口感，味道較為清淡。不過個飯味道濃郁，八爪魚同飯一齊食就啱啱好。🥢 日本櫻花蝦海鮮飲管粉一上枱見到巨量的櫻花蝦，超香口，超滿足。而呢一個主菜嘅重點，居然係飲管粉，因為呢個飲管粉真係超掛汁，每一條粉裏裏外外都係醬汁，超入味。🥢香草蕃茄醬燴西班牙黑毛豬肉丸豬肉丸上枱熱辣辣，加上香草蕃茄醬，味道十足。而底下有薯條，同埋蕃茄醬一齊食，好似叫多咗一個肉醬薯條。🥢伯爵朱古力鮮奶伯爵茶味突出，同時有保留朱古力鮮奶嘅順滑口感以及鮮奶香味，值得一試。