Espresso Alchemy (海港城港威商場)

營業中

休息中

今日係尖沙咀健身室🏋️做咗成個下晝運動，想同朋友食返個豐富嘅晚餐，補充返熱量同埋蛋白質⚡️，經過海港城嘅時候見到呢間Cafe嘅菜單幾豐富，而且位置都坐得幾舒服，所以決定坐低試吓！由於做完運動實在太攰，所以我叫咗杯咖啡☕️提神！而我朋友就比較養生，佢叫咗個鮮奶抹茶🍵。我朋友點咗個牛油果🥑蕃茄芝士意大利三文治，師傅將三文治焗到啱啱好，有脆口嘅感覺但係唔會太燶，牛油果嘅份量好足料，芝士又唔會太過濃烈覆蓋晒其他材料嘅味道，所以成個配搭其實好清新！佢仲另外加咗個跟餐嘅沙律菜🥗，非常健康！我就點咗煙三文魚牛油果碎蛋蕃茄三文治🥪，煙三文魚份量都好多！碎蛋沙律係我嘅至愛，令到成份三文治更加美味！最後我哋叫咗一件藍莓蛋糕一齊食，食埋呢個甜品就覺得好滿足😊