影片
更多
2019-03-18
88 瀏覽
約左朋友打機，當然要搵間靜靜地又要坐得舒服既樓上cafe，依間之前去過位置都幾方便，係正信和對面馬路，啱晒行到攰攰地就上去食小小野加打下機輕鬆下。叫咗個set，黑松露野菌意大利飯連嘢飲，另外再加多$18配埋龍蝦湯。龍蝦湯，賣相有心思，有個忌廉拉花同香草伴碟，亦都比我想像中大碗。口味濃郁，淡淡既龍蝦味，足料！黑松露野菌意大利飯，個飯有好濃郁既忌廉味，濕濕地易入口，粒粒意大利飯有口感，食完夠飽肚！另外叫多咗個小食拼盤，有雞翼、薯角、春卷、炸魷魚圈、炸洋蔥圈，份量好大碟兩個人真係食唔晒。新鮮炸起熱辣辣，食乜都好食。價錢都算合理。飲品方面，叫咗杯好特別嘅飲品—節制，顏色係紅黃藍嘅漸變色，好靚。原來係西柚汁溝菠蘿汁，有氣得來酸酸甜甜好開胃，配埋唔同顏色嘅椰果喺底，夠晒吸睛搶眼呀。其他飲品名同賣相都好特別，下次有機會要試下其他。溫馨提示！原來繁忙時間每位客人嘅最低消費係需要叫一杯飲品，不論大家有冇叫嘢食，依樣大家要留意番！雖然食物款式唔多，但勝在有個地方可以舒舒服服咁打下機，玩下board game。辛苦搵埋自在食，忙碌工作中也要放鬆下！
叫咗個set，黑松露野菌意大利飯連嘢飲，另外再加多$18配埋龍蝦湯。
龍蝦湯，賣相有心思，有個忌廉拉花同香草伴碟，亦都比我想像中大碗。口味濃郁，淡淡既龍蝦味，足料！
黑松露野菌意大利飯
14 瀏覽
0 讚好
0 留言
黑松露野菌意大利飯，個飯有好濃郁既忌廉味，濕濕地易入口，粒粒意大利飯有口感，食完夠飽肚！
小食拼盤
11 瀏覽
0 讚好
0 留言
另外叫多咗個小食拼盤，有雞翼、薯角、春卷、炸魷魚圈、炸洋蔥圈，份量好大碟兩個人真係食唔晒。新鮮炸起熱辣辣，食乜都好食。價錢都算合理。
節制
16 瀏覽
0 讚好
0 留言
飲品方面，叫咗杯好特別嘅飲品—節制，顏色係紅黃藍嘅漸變色，好靚。原來係西柚汁溝菠蘿汁，有氣得來酸酸甜甜好開胃，配埋唔同顏色嘅椰果喺底，夠晒吸睛搶眼呀。其他飲品名同賣相都好特別，下次有機會要試下其他。
龍蝦湯
11 瀏覽
0 讚好
0 留言
溫馨提示！
原來繁忙時間每位客人嘅最低消費係需要叫一杯飲品，不論大家有冇叫嘢食，依樣大家要留意番！
雖然食物款式唔多，但勝在有個地方可以舒舒服服咁打下機，玩下board game。辛苦搵埋自在食，忙碌工作中也要放鬆下！
張貼
