古今二 (荃新天地)

營業中

休息中

星期六又趁放假一個人出荃灣走走。今次嚟到荃灣荃新天地隨便周圍逛逛，行完街餓餓地，即刻附近搵下野食。然後揀咗呢間日式餐廳「古今二」。餐廳位於荃新天地一期一樓，五點零鐘餐廳未開始繁忙時間，被安排入座四人枱。座位倚窗邊，可以望到內園景色，感覺特別舒服悠閒，正適合周末寫意地嘆番餐日式美食，一解暫時未能出發到日本嘅思念。餐廳提供食物款式頗多，有小食前菜、壽司刺生、特色卷物、串燒鍋物等等，可謂應有盡有。此外亦有各款口味清酒及特色飲品供應。《龍卷風沙律》（$76），配有大量蟹籽、蟹柳絲、海澡，及各款新鮮沙律菜，口感清新。沙律菜充滿水份，不過本人覺得如果能瀝乾多少少，沙律醬汁會味道更濃郁。《彩虹卷》（$116），外面鋪上精選刺身，共有三款魚生，再以壽司飯及紫菜包卷著蟹柳及牛油果，再灑上適量黑、白芝麻，味道不錯。《什錦天婦羅》（$88），有海蝦，秋葵，紫薯仔。即叫即製作，十分熱辣辣。稍微不夠鬆脆，如果能更鬆脆就更佳了。《串燒秋葵》（$18），秋葵十分肥美，加有七味粉，入口頗惹味。整體來講唔差，適合大人小孩、朋友或家庭餐聚。