泰 (瓊華中心)

營業中

休息中

百家賣百貨，有人覺得好食！但我同行幾個就覺得難食！本來我哋唔係食呢間，奈何我朋友突然間話要去荷里活廣場攞眼鏡，所以就臨急臨忙喺附近求其book一間，個串燒又咸又UN，冬蔭功湯得個辣字，海鮮炒金邊粉炒到黐埋一舊，個咖喱連點薄餅都唔好食。其實呢度之前都有人寫食評係話伏咗，無奈我friend急急忙忙冇睇食評就book 咗，咁我哋就瀨咗嘢。但係公道啲講呢度環境係幾清靜冇咩人，如果諗住上嚟吹吓水飲杯嘢(我係飲樽裝啤酒)係唔錯嘅選擇，所以百忙之中寫幾隻字希望有睇食評嘅人唔好再伏。