天龍咖喱

營業中

休息中

一間喺合益路既咖哩飯小店，鋪面唔大，但飯既份量都幾大😅老細都好細心提到咖哩本身都係小辣，我見佢餐牌都有一堆唔辣既飯可以揀，不過既然主打咖哩，咁就緊係試下先啦！咖哩雞扒飯咖哩汁同雞扒係分開另上既，飯底份量好多，雞扒都有兩大件，煎得幾香口嫩滑。碟咖哩汁都好大兜呀！呢間咖哩同平時港或茶記食既都幾唔同，佢入面有勁多洋蔥碎，但已經煮到軟身哂，啲薯仔都煮得好綿，送飯係幾好既。咖哩滑牛肉飯咖哩滑牛都係大大兜上黎，就咁睇以為係汁多餸少啦，點知啲滑牛肉食極都仲有，起碼有十幾塊。滑牛食落都真係幾滑，而且唔柴，口感剛好，幾夾呢個多洋蔥既咖哩汁底。香酥雞香酥雞新鮮炸起，炸粉唔算厚，食落都幾香口既。順德炸鮮奶炸鮮奶外皮炸得酥脆，中間奶味幾香同軟綿，都ok。野飲方面都幾多款揀，試左佢地主打健康既柚子蜜茶，飲落唔太甜，冬天飲幾滋潤。