泰嘟嘟

營業中

休息中

個日同朋友去開大角咀 見好耐無食泰國野又咁啱經過呢間餐廳就諗住試下 點知竟然有surprise一入去就見到餐廳嘅裝修好有泰過嘅風味我地嗌咗香蔥蒜蓉包 佢嘅蒜蓉包比想像中大份好多 脆脆地又唔會太咸另外叫咗雞同豬各半嘅串燒沙嗲 d肉質唔會好鞋 加上個沙嗲汁好惹味仲有每次去食泰國野一定會叫嘅泰式馬拉盞炒通菜 叫咗少少辣食落無咁單調佢個蟹肉炒粉絲都好有鑊氣 食落又唔會太咸 蟹肉嘅份量都唔少但最令我地驚喜嘅一定係佢嘅招牌焗黃咖哩麵包軟殼蟹 超級大份 同埋佢個咖哩係完全唔辣的 食落都好香 就算唔食得辣嘅人都唔洗擔心 脆脆地嘅軟殼蟹再加上沾滿哂咖哩汁嘅麵包 真係絕配 呢個真係好推薦！飲品方面就叫咗珍多冰同埋椰青好解渴最後緊係要叫食返個芒果糯米飯作為完結啦其實呢間餐廳所有食物份量都較為大碟 建議同多d朋友嚟咁就可以試多d唔同嘅野食