蟹仙粉潮食館

營業中

休息中

好耐冇食海鮮，今晚嚟到銅鑼灣蟹仙食蒸海鮮。兩個人揀咗$449套餐，雖然係基本版，但係都有成10款海鮮。開始先食咗蒸鰻魚，第一次食蒸鰻魚都幾特別。點Wasabi豉油好啱味。陸續蒸嘅海鮮有螺，虎蝦，蟹膏帶子，釜山蠔，鮑魚。青口。當中最終亦係蟹膏帶子，好鮮甜。套餐包咗兩隻大膏蟹，不過呢就係最尾先至食。安排最尾先食都唔錯，因為食嘅時間都比較耐。食完蒸海鮮有蔬菜籃，同埋海鮮味嘅豬骨粥。最後仲有椰汁雪燕做甜品真係非常滿足。